वासिङ्टन । मेक्सिकोको सीमामा रहेका लाखौं आप्रवासीलाई स्वदेश फर्काउन कोभिड–१९ को सावधानी अपनाउने अमेरिकी सरकारको दुई वर्ष पुरानो नीति तत्कालका लागि कायम रहने सर्वोच्च अदालतले मङ्गलबारको फैसलामा सुनाएको छ ।
‘टाइटल ४२’ भनिने विवादास्पद नियमलाई कायम राख्ने निर्णयले अमेरिका प्रवेशका लागि हजारौंले दक्षिणी सीमामा पर्खिरहेका समय राष्ट्रपति जो बाइडेनका लागि राजनीतिक सङ्कट निम्त्याएको छ ।
सन् २०२० को मार्चमा पूर्व राष्ट्रपति डोनाल्ड ट्रम्पको नेतृत्वमा ल्याइएको यो नीति तल्लो अदालतको आदेशअनुसार हटाइयो भने आप्रवासीको सङ्ख्या बढ्न सक्ने चेतावनी दिँदै १९ वटा राज्यबाट दायर गरिएको याचिकालाई कन्जरभेटिभ बाहुल्य रहेको उच्च अदालतले स्वीकार गरेको हो ।
सर्वोच्च अदालतले भनेको छ, “टाइटल ४२’ अर्थात् ४२–नियमहरू, जसले शरणका लागि योग्य हुनसक्ने व्यक्तिहरूलाई समेत छिटो निष्कासन गर्न अनुमति दिन्छ, यस विषयमा अर्को निर्णय नभएसम्म कायम रहनेछ र यसले फेब्रुअरीमा यस मुद्दाको सुनुवाइ गर्नेछ ।
“राज्यहरूले सीमामा आप्रवासन सङ्कटको सामना गर्नुपरेको र नीति निर्माताहरू यसलाई सम्बोधन गर्न पर्याप्त उपायहरूमा सहमत हुन असफल भएको दाबी गर्छन्,” अदालतले आफ्नो ‘५–४ को फैसला’मा भनेको छ ।
“राज्यहरुको सुझाव सङ्कटलाई कम गर्नको लागि एक मात्र उपाय भनिएको छ । सङ्घीय सरकारको कोभिड–युगको ‘टाइटल ४२’ को यथासम्भव लामो समयको लागी जारी राख्नका लागि निर्देशन गरिन्छ ।”
यो फैसला आउनुपूर्व ‘टाइटल ४२’ गलत भएको स्वीकारेको बाइडेन प्रशासनलाई शरण खोज्ने आप्रवासीहरूको वृद्धिको लागि मे वा जूनसम्ममा भित्राउने तयारी हुन सक्थ्यो ।
फैसलापछि प्रतिक्रिया दिँदै ह्वाइट हाउसकी प्रवक्ता करिन जीन पियरेले प्रशासनले अदालतको आदेशको पालना गर्ने र सुनुवाइका लागि तयारी गर्ने बताउनुभएको छ ।
‘टाइटल ४२’ लागु गर्न अनुमति नभएपछि हामी सुरक्षित, व्यवस्थित र मानवीय तरिकाले सीमा व्यवस्थापन गर्ने हाम्रो तयारीलाई अघि बढाइरहेका छौं,’ जीन पियरेले एक विज्ञप्तिमा भन्नुभएको छ ।
उहाँले भन्नुभयो, “पूर्व सरकारका ४२ निर्देशनहरू सार्वजनिक स्वास्थ्यको उपाय हो, अध्यागमन प्रवर्तन उपाय होइन, र यसलाई अनिश्चित कालको लागि विस्तार गर्नु हुँदैन ।”
उहाँले थप्नुभयो, “हाम्रो बिग्रिएको अध्यागमन प्रणालीलाई ठीक गर्न, हामीलाई व्यापक आप्रवासन सुधार पारित गर्न काङ्ग्रेसको आवश्यकता छ ।
लुईजियानाका सिनेटर बिल क्यासिडीले ‘टाइटल ४२’ हटाउँदा हाम्रो सीमा सङ्कट झनै विकराल हुने र ह्वाइट हाउस त्यो हुन दिन इच्छुक रहेको बताउनुभएको छ ।
उहाँले ट्वीटरमा लेख्नुभएको छ, “सर्वोच्च अदालतले यसलाई जोगाउन कदम चालेको देख्दा खुसी लागेको छ, तर हामीलाई स्थायी समाधान चाहिएको छ ।”
सरकारले ४२ निर्देशनको अन्त्यका लागि तयारी गरे पनि सीमामा थप कर्मचारी र बढी तारबार लगाए पनि यसले अपेक्षित वृद्धिलाई कसरी रोक्न सक्थ्यो भन्ने स्पष्ट थिएन ।
गत नोभेम्बरसम्मको १२ महिनामा करिब २५ लाख मानिस दक्षिणी अमेरिकी सीमा पार गर्ने क्रममा रोकिएका थिए ।
दुई वर्षअघि अधिकांश आप्रवासी मेक्सिको, होन्डुरस, ग्वाटेमाला र एल साल्भाडोरबाट आएका थिए भने अहिले आधाभन्दा बढी निकारागुआ, भेनेजुएला, क्युबा, पूर्वी युरोप र एसियाबाट आएका स्थानीय प्रशासनले बताएको छ ।
-एजेन्सी
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच