आमाको हत्या अभियोगमा छोराबुहारी पक्राउ

हिमालय टाइम्स

२ फाल्गुन २०७९, मङ्गलबार ०७:२७

Read Time = 1 min

डिजिटल संस्करण

समाज

A A- A+

तनहुँ । आमाको हत्या अभियोगमा तनहुँमा छोराबुहारी पक्राउ परेका छन् ।

पक्राउ पर्नेमा तनहुँको बन्दीपुर गाउँपालिका–३ शेराका ४७ वर्षीय राजकुमार सार्की र ३५ वर्षीया सुशीला मजाकोटी रहेको जिल्ला प्रहरी कार्यालय तनहुँले जनाएको छ ।

८४ वर्षीय मायाको हत्या गरेको अभियोगमा छोराबुहारीलाई सोमबार पक्राउ गरिएको प्रहरी नायब उपरीक्षक मोहनबहादुर खाँणले जानकारी दिनुभयो । हिजो बिहान ५ बजे माया मृतावस्थामा फेला पर्नुभएको थियो ।

घर नजिकैको गाई गोठमा आगो लगाई गोठ पूर्ण रुपमा जली गाईसमेत मृतावस्थामा रहेको भनी इलाका प्रहरी कार्यालय बन्दीपुर तनहुँ हुँदै जिल्ला प्रहरी कार्यालयमा खबर पुगेको थियो । घटनाको थप अनुसन्धाग भइरहेको प्रहरीले जनाएको छ ।

आगो

प्रहरी

तनहुँ

हत्या

यो खबर पढेर तपाईलाई कस्तो महसुस भयो ?