कैलाली । बैंकहरूले चर्को ब्याजदर लिएको भन्दै उद्योगी व्यवसायीहरूले सुदूरपश्चिम प्रदेशमा आजदेखि चरणबद्ध आन्दोलन सुरु गरेका छन् । आजदेखि प्रदेशका सबै जिल्लामा एकै प्रकारको आन्दोलन तय गरेका व्यवसायीहरुले आन्दोलन थालेका हुन् ।
आज सोमबारदेखि सुदूरपश्चिमका मुख्य बजारहरु बिहान ९ बजेदेखि ११ बजेसम्म बन्द भएका छन् । बैङ्कहरूले चर्को ब्याजदर लिएको भन्दै उद्योगी व्यवसायीहरूले सुदूरपश्चिम प्रदेशका मुख्य बजारहरु दैनिक रुपमा दुई घण्टा बन्द गर्ने बताएका छन् ।
विरोध प्रदर्शनसहित २० गते सम्म दैनिक दुई घण्टा बजार बन्द गरिने भएको छ । बैङ्कमा बचत नगर्नेलगायतका आन्दोलन घोषणा गरेको र पहिलो चरणमा बजार बन्द र प्रदर्शनको कार्यक्रम गरिरहेको कैलाली उद्योग वाणिज्य संघका अध्यक्ष पुष्पराज कुवँरले जानकारी दिनुभयो ।
फागुन २० गते सम्म बैंकमा बचत नगर्नेलगायतका आन्दोलनका कार्यक्रम तय गरिएको छ । आजदेखि हरेक दिन विहान ९ बजेदेखि ११ बजेसम्मका लागि बजार बन्द गर्ने, विरोध र्याली निकाल्ने, प्रत्येक बैंक, राष्ट्र बैंकदेखि प्रशासनसम्म कोण सभा गर्ने कार्यक्रमहरु निर्धारण गरिएका छन् ।
उद्योगी व्यवसायीहरुले १८ गते भने कुनै पनि बैंक तथा वित्तीय संस्थामा ‘नो डिपोजिट’ अर्थात निक्षेप जम्मा नगर्ने भएका छन् । फागुनभित्र माग पुरा नभए थप छलफल गरेर सशक्त आन्दोलन गर्ने समेत निजी क्षेत्रले चेतावनी दिएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच