काठमाडौं । डेभलपमेन्ट बैंकर्स एसोसिएसन नेपालको अध्यक्षमा सांग्रिला डेभलपमेन्ट बैंकका प्रमुख कार्यकारी अधिकृत(सिइओ) सुयोग श्रेष्ठलगायत अन्य पदाधिकारी सर्वसम्मत निर्वाचित भएका छन् । एसोसिएसनको शुक्रबार चितवनमा सम्पन्न १७औँ वार्षिक साधारणसभाले नयाँ नेतृत्व चयन गरेको हो ।
उपाध्यक्षमा महालक्ष्मी विकास बैंकका सिइओ बोधराज देवकोटा, सचिवमा सिन्धु विकास बैंकका सिइओ रामकुमार गिरी र कोषाध्यक्षमा लुम्बिनी विकास बैंकका सिइओ नरेशसिंह बोहरा रहनुभएको छ । त्यस्तै, सदस्यमा साइन रेसुंगा डेभलपमेन्ट बैंकका सिइओ प्रकाश पौडेल, ज्योति विकास बैंकका सिइओ श्रीचन्द्र भट्ट र एक्सेल डेभलपमेन्ट बैंकका सिइओ डा. इन्द्र कट्टेल रहनुभएको संघले जनाएको छ ।
नवनियुक्त कार्यसमितिका पदाधिकारीको सपथ ग्रहणसमेत भइसकेको छ । नवनिर्वाचित अध्यक्ष श्रेष्ठले सबैको सहयोगबाट विकास बैंकहरूको हक र हितमा लागिपर्ने प्रतिबद्धता व्यक्त गर्नुभएको एसोसिएसनका कार्यालय सचिव हेमजंग कार्कीले जानकारी दिनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच