आगलागीमा घाईते भएका चार जनालाई भारत लगियो

हिमालय टाइम्स

७ चैत्र २०७९, मङ्गलबार १४:२७

Read Time = 1 min

डिजिटल संस्करण

प्रदेश समाचार

A A- A+

सल्यान । कुमाख गाउँपालिका ४ भण्डारखोलास्थित शंकर रानाको किराना पसल जलेर घाइते भएका तीन जनालाई उपचारका लागि भारत लगिएको छ।

तीन कोठाको टिनले छाएको एकतले घरमा रहेको किराना पसलमा आगलागी हुँदा घाइते भएका चार जनालाई मेडिकल कलेज कोहलपुर बाँकेबाट थप उपचारका लागि लख्नऊ लगिएको हो।

घाइते भएका १८ वर्षीय क्षेत्रमणि रानाबाहेक घरधनी २४ वर्षीय शंकर राना, २६ वर्षीय यज्ञ राना, २१ वर्षीय जीवन राना र २० वर्षीय सञ्जीव शाहलाई मेडिकल कलेज कोहलपुरले रेफर गरेको थियो। त्यसपछि थप उपचारका लागि लख्नऊ लगिएको जिल्ला प्रहरी कार्यालय सल्यानका सूचना अधिकारी प्रहरी निरीक्षक सन्तोष खनालले बताउनु भयो।

रेफर गरिएकाको अवस्था जटिल रहेको उहाँले जानकारी दिनुभयो। उहाँका अनुसार क्षेत्रमणि रानाको अवस्था भने सामान्य छ। गएराति साढे ८ बजे पसलमा बसिरहेका बेला एक्कासी आगलागी हुँदा जलेर कुमाख गाउँपालिका ४ भण्डारखोलाका उनीहरू घाइते भएका थिए।

प्रहरी

आगलागी

यो खबर पढेर तपाईलाई कस्तो महसुस भयो ?