काठमाडौं । महिला ओलम्पिक फुटबलको एसियाली छनोटको पहिलो चरणमा नेपाल र भियतनामबीचको खेल चैत २२ र २५ गते दशरथ रंगशालामा हुने भएको छ । प्रतियोगितामा सहभागी हुन भियतनामको महिला टोली २० गते नेपाल आउने एन्फाले जानकारी दिएको छ ।
यो समूहमा भएका अफगानिस्तान र प्यालेस्टाइनले नाम फिर्ता लिएपछि नेपाल र भियतनामबीच मात्रै प्रतिस्पर्धा हुने भएको हो ।
यो समूहको विजेता टोली दोस्रो चरणमा पुग्नेछ । एसियाका सातवटा समूहमा विभाजित टिमबाट समूह विजेता दोस्रो चरणमा पुग्नेछन् । माथिल्लो वरीयताका उत्तरकोरिया, जापान, अष्ट्रेलिया, चीन र दक्षिण कोरिया सिधै दोस्रो चरणमा पुगेका छन् ।
यी पाँच टिमसहित सातवटा समूहका विजेता गरी १२ टिमलाई दोस्रो चरणमा तीन समूहमा विभाजन गरिनेछ । ती समूहका विजेता र उत्कृष्ट उपविजेताबीच फेरि तेस्रो चरणको खेल हुनेछ र एसियाबाट दुईवटा महिला टिमले ओलम्पिक खेल्न पाउनेछन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच