काठमाडौं । बालुवाटारमा बसेको सत्तारुढ १० दलीय गठबन्धनको बैठक सकिएको छ । प्रधानमन्त्रीको सरकारी निवास बालुवाटारमा बुधबार साँझ बसेको बैठकले उपराष्ट्रपतिमा साझा उम्मेदवार तय गर्ने भनिएको थियो ।
गठबन्धनबाट उपराष्ट्रपति उम्मेदवार दुई मध्ये कसलाई साझा उम्मेदवार बनाउने भन्ने विषयमा बैठक केन्द्रीत भए पनि सहमति भने जुट्न सकेन ।
बैठक पछि माओवादी केन्द्रका उपमहासचिव शक्ति बहादुर बस्नेतले भन्नुभयो, ‘सकारात्मक छलफल भएको छ । भोलि बसेर एउटा धारणा बनाउने कुरा भएको छ ।’
गठबन्धनबाट उपराष्ट्रपतिमा जसपाका रामसहाय यादव र जनमतकी ममता झा उम्मेदवार हुनुहुन्छ ।
बैठकले दलीय एकतालाई थप मजबुद बनाउने समझदारी भने भएको छ । बैठकमा समसामयिक राजनीतिक घटनाक्रमका विषयमा छलफल भएको र १० दलीय गठबन्धनलाई थप मजबुद बनाउँदै अघि बढ्ने समझदारी भएको उपमहासचिव बस्नेतले बताउनु भयो ।
बैठक बिहीबार फेरि बस्ने गरी सकिएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच