लण्डन । ब्राजिललाई टाइब्रेकरमा पराजित गर्दै इंग्ल्याण्डले पहिलो महिला फाइनालिसिमाको उपाधि जितेको छ । इंग्ल्याण्डले टाइब्रेकरमा ब्राजिललाई ४-२ ले पराजित गर्दै उपाधिमाथि कब्जा जमाएको हो । निर्धारित समयमा १–१ गोलको बराबरीपछि खेल टाइब्रेकरमा लम्बिएको थियो । जसमा इंग्ल्याण्डले बाजी मार्यो ।
टाइब्रेकरमा इंग्ल्याण्डकी इंग्ल्याण्डकी जर्जिया स्टानवे, रचेल डाली, एलेक्स ग्रिनवुड र केलीले गोल गर्नुभयो । टोनीले गोल गर्न सक्नुभएन । ब्राजिलकी एड्रिना र केरोलिनले मात्रै गोल गर्न सफल हुनुभयो । तामिरेसको प्रहारलाई इंग्ल्याण्डकी गोलरक्षकले बचाउँदा राफाइलको प्रहार क्रस बारमा लाग्दै बाहिरियो ।
त्यसअघि वेम्वली स्टेडियममा भएको खेलको २३औं मिनेटमा इला टोनको गोलबाट इंग्ल्याण्डले अग्रता लिएको थियो । ९०औं मिनेटमा परिवर्तित खेलाडी आन्द्रेसा अल्भेसले गोल गर्दै खेललाई १–१ गोलको बराबरीमा ल्याउनुभयो ।
गत वर्षदेखि युरो च्याम्पियनसिप र दक्षिण अमेरिकाको कोपा अमेरिका च्याम्पियनबीच फाइनालिसिका नाममा यो खेल खेलाउने गरिन्छ । गत वर्ष नै पुरुषतर्फ अर्जेन्टिनाले इटालीलाई हराएर उपाधि जितेको थियो । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच