बझाङ । बझाङको छविसपाथिभेरा गाउँपालिका-४, झुटेडाकी विसु थापाले ८३ वर्षको उमेरमा नेपाली नागरिकता पाउनुभएको छ ।
सोमबार बझाङका प्रमुख जिल्ला अधिकारी नारायण पाण्डेय नेतृत्वको टोलीले शारीरिक रूपमा पूर्ण अशक्त थापालाई घरमै पुगेर नेपाली नागरिकता प्रदान गर्नुभएको हो ।
यातायातको सहज पहुँच नहुनु र सदरमुकाम चैनपुरसम्म ल्याएर नागरिकता बनाउन सक्ने अवस्था नरहेकाले उहाँको घरमै गएर नागरिकताको प्रमाणपत्र प्रदान गरिएको प्रमुख जिल्ला अधिकारी पाण्डेयले बताउनुभयो ।
नागरिकताको प्रमाणपत्र प्राप्त गरेपछि थापा खुशी हुनुभएको छ । थापाको पहिले बनाएको नागरिकता १ बर्ष पहिला हराएकाले सामाजिक सुरक्षा भत्ता विचैमा रोकिएको छविसपाथिभेरा गाउँपालिका-४ का वडाअध्यक्ष अम्मराज थापाले बताउनुभयो ।
उहाँले भन्नुभयो, ‘पहिला घरघरमै गएर सामाजिक सुरक्षा भत्ता वितरण गर्थ्याैं । अहिले बैङ्कले नमान्ने भएकाले नागरिकता हराएकाले भत्ता रोक्किएको थियो । अबबाट फेरि पाउनुहुने भयो ।’ नागरिकता प्राप्त भएसँगै अब थापाको सामाजिक सुरक्षा भत्ता प्राप्त गर्ने बाटो खुलेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच