काठमाडौं । नेपाली राष्ट्रिय क्रिकेट टिमकी कप्तान रुबिना क्षेत्रीले हङकङमा जारी फेयरब्रेक इन्भाइटेसनल टी-२० क्रिकेट प्रतियोगितामा सानदार प्रदर्शन गर्नुभएको छ । बार्मी आर्मीबाट खेलिरहनुभएकी रुबिनाले बुधबार बिहान भएको खेलमा साफिरेस वुमनविरुद्ध खेल्दै ५ विकेट लिनुका साथै ३२ रन प्रहार गर्नुभएको हो । उहाँको सानदार प्रदर्शनमा बार्मी आर्मीले साफिरेसलाई ६१ रनले पराजित गरेको छ ।
प्रतियोगितामा यो बार्मी आर्मीको चौथो जित हो । बार्मीले दिएको १६९ रनको लक्ष्य पछ्याएको साफिरेस १५.५ ओभरमै १०७ रनमा रोकियो ।
नयाँ बल लिएर बलिङ गर्नुभएकी रुबिनाले ४ ओभरमा १ मेडन राख्दै ११ रनमात्र खर्चेर पाँच विकेट हात पार्नुभयो । उहाँले साफिरेसकी कप्तानी गर्नुभएकी पाकिस्तानकी भेट्रान खेलाडी साना मिरको समेत विकेट लिनुभयो । यस्तै, बार्मीका लागि रुचिता भेनकाटशले २ तथा तारा नोरिस र लाउरा कार्डासोले समान १ विकेट लिनुभयो ।
त्यसअघि टस हारेर पहिले ब्याटिङ गरेको बार्मी आर्मीले २० ओभरमा ८ विकेट गुमाएर १६८ रन बनाएको थियो । बार्मीका लाउरा वलभर्टले सर्वाधिक ३९ रन बनाउनुभयो । उहाँले ३२ बल खेल्दै ९ चौका प्रहार गर्नुभयो । रुबिनाले २५ बलमा १ चौका र २ छक्का प्रहार गर्दै अविजित ३२ रन बनाउनुभयो ।
सेमाइन क्याम्पबेलले १७ बलमा ३० रन जोड्नुभयो । साफिरेसका जिभाना भरासले ४ विकेट लिनुभयो । रुबिनाले यसअघि वारियर्सविरुद्ध एक विकेट लिनुभएको थियो । उहाँले अहिलेसम्म तीन खेल खेल्नुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच