काठमाडौं । हङकङमा जारी फेयरब्रेक आमन्त्रण क्रिकेट प्रतियोगितामा नेपाली राष्ट्रिय महिला क्रिकेट टोलीकी कप्तान रुबिना क्षेत्री आबद्ध बार्मी आर्मी तेस्रो भएको छ । कुलन क्रिकेट क्लब हङकङमा आइतबार तेस्रो स्थानका लागि भएको खेलमा आर्मीले स्प्रिटलाई २२ रनले पराजित गरेको हो ।
आर्मीले दिएको १४८ रनको लक्ष्य पछ्याएको स्प्रिटले २० ओभरमा ६ विकेट गुमाएर १२५ रनमात्र बनायो । स्प्रिटका लागि केरी ऐनी टोमलिनसनले ४० बलमा सर्वाधिक ३३ रन बनाउनुभयो । यस्तै, ओपनर सारा ब्राइस र गार्गी भोग्लेले समान २५/२५ रन बनाउनुभयो ।
यश्मिनी दाश्वानी १२ बलमा २५ बनाउँदै अविजित पारी खेल्नुभयो । आर्मीका लागि लौरी कारडोसोले २ तथा रुमना अहमदले १ विकेट लिनुभयो । आर्मीका लागि रुबिना क्षेत्रीले कुनै विकेट नलिए पनि ३ ओभरमा मात्र १२ रन खर्चिनुभयो ।
त्यसअघि टस हारेर पहिले ब्याटिङ गरेको आर्मीले २० ओभरमा ४ विकेट गुमाएर १४७ रन बनाएको थियो । आर्मीका लागि दिरेन्द्र डोट्इनले ३८ बलमा ६ चौका र ६ छक्काको सहयोगमा ७५ रन बनाउनुभयो । त्यसबाहेक कविशा इगोडागे २४ तथा किनु गिल १५ रनमा अविजित रहनुभयो । स्प्रिटका लागि महिका गौर, गार्गी भोग्ले र नट्थाकन चान्थमले समान १/१ विकेट लिनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच