लण्डन । इंग्लिस प्रिमियर लिग क्लब न्युक्यासल युनाइटेड अर्काे सिजनका लागि युइएफए च्याम्पियन्स लिगमा छनोट भएको छ । रेलिगेसन जोनमा रहेको लेस्टर सिटीसँग गोलरहित बराबरी खेल्दै न्युक्यासलले शीर्ष चारमा रहेर च्याम्पियन्स लिगमा छनोट भएको हो ।
न्युक्यासल २० वर्षपछि पहिलोपटक च्याम्पियन्स लिगमा छनोट हुन सफल भएको हो । न्युक्यासलले सन् २००२-०३ को सिजनपछि पहिलोपल्ट च्याम्पियन्स लिगमा स्थान बनाएको हो ।
घरेलु टोली न्युक्यासलसँग गोलरहित बराबरीमा रोकिएपछि लेस्टरलाई पनि रेलिगेसनको खतरा बढेको छ । लेस्टर ३७ खेलबाट ३१ अंक जोडेर १८औँ स्थानमा छ । लेस्टरले रेलिगेसनबाट जोगिन अन्तिम खेलमा जित हात पारेरमात्रै नपुग्ने भएको छ । अर्काे खेलमा एभर्टनले हार बेहोरे उसको सम्भावना रहन्छ ।
न्युक्यासलका मुख्य प्रशिक्षक एड्डी हाउले आफूहरूले अविश्वसनीय सफलता भएको बताउनुभएको छ । उहाँले शीर्ष चारमा रहने टोलीको लक्ष्यसमेत नरहेको तर सपना देख्न छोड्न नहुने बताउनुभयो ।
८ नोभेम्बर २०२१ मा एड्डीले नेतृत्व सम्हाल्दा न्युक्यासल प्रिमियर लिगको १९औँ स्थानमा रहेको थियो । तर, लेस्टरसँगको बराबरीसँगै न्युक्यासलले आगामी सिजन च्याम्पियन्स लिग खेल्नेछ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच