दाङ । नागरिक उन्मुक्ति पार्टीका संस्थापक रेशम चौधरीले थरुहट प्रदेश कायम गर्ने आवाज फेरि उठाउने संकेत गर्नुभएको छ ।
आइतवार दाङको लमहीमा नागरिक अभिनन्दन कार्यक्रमलाई सम्वोधन गर्दै उहाँले पहिचानको आन्दोलन अझै नसकिएको भन्दै देशमा रहेका प्रदेशहरूको नाम पहिचानको नामबाट कायम गरिनुपर्ने बताउनुभएको हो ।
‘आफ्नो जनता खुसी भएको देख्न नसक्ने कुनै राज्य व्यवस्था हुन्छ ? आफ्नै देशका नागरिकलाई अनागरिक बनाउने कुनै राज्य व्यवस्था हुन्छ ? कृपया यस्तो नहोस्।’ चौधरीले भन्नुभयो ‘अहिले पनि लाग्छ, तराईका थारुहरूको नाममा थरुहट प्रदेश मात्रै लेखिदिनूस्, त्यो थरुहट प्रदेश लेखिएको संविधानभित्र धारा, उपधाराभित्र कतै थारुको अधिकार नलेखिदिनूस, मात्रै थरुहट प्रदेश लेखेको नाममा यहाँका थारुहरूले हजारौँ, लाखौँ सुंगुरको बलि एकैदिनमा दिन्छन् र खुसीयाली साट्छन्’, ।
उहाँले राजनीति गर्ने नाममा निर्दोष मान्छेहरूलाई जेलमा राख्न नहुने तर्क पनि गर्नुभयो । टीकापुर घटना घटाउने असली ‘हत्याराहरू’को खोजीनिती गर्न नेता चौधरीले माग समेत गर्नुभयो । ‘असली हत्याराहरूको खोजीनिती गरौँ । खोजीनिती गर्न सघाउनको लागि रेशम चौधरी तयार छ’, उहाँले भन्नुभयो, ‘टीकापुर घटनाको बारेमा अतिरञ्जित कुरा नगर्नूहोस्, टीकापुर घटनामा सबैभन्दा पहिला रामविहारी थारु सहिद भएका थिए। एउटा थरुहट आन्दोलनमा एउटा थारु सिपाइ मारिन्छ, यो सम्भव कुरा हो, अहँ होइन। यो केलाइनुपर्छ। गलत कुराको अन्त्य गरिनुपर्छ, पीडितले न्याय पाउनुपर्छ।’
जेलबाट छुटेपछि पहिलोपल्ट दाङ आएका रेशम चौधरीलाई नागरिक अभिनन्दन गरिएको छ । चौधरी थारु बाहुल्य जिल्लाहरूमा पुग्न थालेका छन्।
नागरिक उन्मुक्ति पार्टी दाङ क्षेत्र नं. १ ले लमही बजारको चौराहमा अभिनन्दन कार्यक्रम राखेको थियो। प्रतिनिधिसभा र प्रदेशसभा निर्वाचनमा दाङ क्षेत्र नम्बर १ बाट दुईवटा प्रदेशसभा र एक वटा प्रतिनिधिसभामा उम्मेदवारसमेत खडा गरेको थियो।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच