बेइजिङ । चीनको विद्युतीय सवारीसाधन (एनईभी)को बिक्री गत वर्षको मे महिनाको तुलनामा ६०.२ प्रतिशतले बढेर सात लाख १७ हजार पुगेको ‘चाइना एसोसिएसन अफ अटोमोबाइल म्यानुफ्याक्चरर्स’को तथ्यांकले देखाएको छ ।
गत महिना चीनमा विद्युतीय सवारीसाधनको उत्पादन ५३ प्रतिशतले वृद्धि भएर सात लाख १३ हजार युनिट पुगेको थियो । मे महिनामा चीनमा एनइभीको बजार हिस्सा ३०.१ प्रतिशत पुगेको थियो ।
यो वर्षको पहिलो पाँच महिनामा, विद्युतीय सवारीसाधन बिक्री एक वर्ष पहिलेको तुलनामा ४६.८ प्रतिशतले वृद्धि भटई २९ लाख चार हजारवटा पुगेको छ । चीनको एनईभी उत्पादन ३० लाख युनिटभन्दा बढी छ । यो वर्ष एनईभी उत्पादन ४५.१ प्रतिशतले वृद्धि भएको छ ।
सोही अवधिमा एनइभीको निर्यात १६० प्रतिशतले वृद्धि भई चार लाख ५७ हजार युनिट पुगेको तथ्यांकले देखाएको छ । एनईभी खपतमा अग्रपंक्तिमा रहेर चीनले आफ्नो एनईभी बजारको विकासलाई कायम राख्न विशेषगरी यसको विशाल ग्रामीण क्षेत्रमा सहयोगी नीति ल्याएको छ ।
गत महिना चीनले ग्रामीण क्षेत्रमा बसोवास गर्ने मानिसलाई एनइभी खरिद गर्न र प्रयोग गर्न सहयोग गर्न एक दिशानिर्देश जारी गरेको थियो, जसमा चार्जिङ पूर्वाधारको निर्माणलाई बढवा दिन ध्यान केन्द्रित गरिएको थियो । रासस/सिन्हृवा ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच