काठमाडौं । सनराइज बैंकले सुनसरीको झुम्का नगरपालिकामा मासु उत्पादनका लागि पशुपालनसम्बन्धी र डडेलधुरामा आलुखेतीसम्बन्धी तालिम तथा वित्तीय साक्षरता कार्यक्रम आयोजना गरेको छ । स्थानीय तहमा सुुहाउँदो कृषि व्यवसायसम्बन्धी तालिम स्थानीय व्यक्तिलाई प्रदान गरेर उनीहरूको आम्दानी वृद्घिमा मद्दत गर्ने तथा त्यस व्यवसायमा आवश्यक पर्ने बैंकिङ ज्ञान प्रदान गर्ने उद्देश्यका साथ असार १ गतेदेखि झुम्का, सुनसरीमा ३१ जना सहभागीका साथमा दुईदिने तालिम आयोजना गरिएको बैंकले जनाएको छ ।
सनराइज बैंक कोशी प्रदेशका प्रमुख विनोद गजुरेल र बैंकका अन्य पदाधिकारीको उपस्थितिमा भएको कार्यक्रमको प्रशिक्षण डा. नागेन्द्रबहादुर दाहाल र सविन खतिवडाले गर्नुभएको थियो । आयोजकका अनुसार विशेषगरी बाख्रा, बंगुर र कुखुरा पालनमा केन्द्रित सीपमूलक तालिम दिइएको थियो ।
त्यसैगरी कृषकसमक्ष कृषि, आम्दानी वृद्धि र बैंकिङ ज्ञान प्रदान गर्न जेठ ३२ गतेदेखि अमरगढी डडेलधुरामा आयोजित दुईदिने आलुखेती उत्पादन तथा वित्तीय साक्षरता कार्यक्रममा ४० जनाको सहभागिता थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच