झापा । नेकपा माओवादी केन्द्रका पार्टी उपसचिव हरिबोल गजुरेलले समाजवादी चेतनाको केन्द्र पूर्व हो भन्ने यथार्थ नबुझ्दा पार्टीको दुर्गति भएको बताउनु भएको छ ।
"माओवादी क्रान्तिको केन्द्र पश्चिम थियोे र हो, समाजवादको आधार पूर्व हो " योङ कम्युनिस्ट लिग झापाको छैटौँ जिल्ला भेलालाई शनिबार बिर्तामोडमा सम्बोधन गर्दै उहाँले भन्नुभयो," पूर्वको समाजवादी चेतनासँग पार्टीलाई जोड्न नसक्नु गम्भीर गल्ती हो, पार्टी बेहाल हुनुको मुख्य कारण नै यही हो ।"
क्रान्तिपछि पार्टी जीवनको आधार पूर्व बन्यो भनेर घोषणा गर्न नसक्नु गम्भीर गल्ती भएको उहाँले दाबी गर्नुभयो । पूर्वको चेतना पश्चिम पुग्न नसकेको र अब पनि नेतृत्वले नबुझे पार्टी थप कमजोर हुने उहाँको तर्क छ । पार्टीलाई नयाँ जीवन दिन संविधानमा 'नोटअफ डिसेन्ट' लेखेको विषय लिएर जनता सामु जानुको विकल्प नभएको उहाँको ठम्याइ छ ।
नेता गजुरेलले देशको शासकीय स्वरुप कार्यकारी प्रणालीको नहुँदा समस्या उत्पन्न भएको बताउनुभयो। संविधानसभा बहिष्कार गरेका मधेसवादी दललाई चुनावमा ल्याएर सहभागी गराउँदासम्म ठिक गरेपनि अहिले पार्टी नेतृत्वले गल्ती गरिरहेको उहाँको भनाइ छ ।
पार्टीको कोशी प्रदेश इन्चार्ज समेत रहनु भएका उहाँले पूर्वबाट एकजना पनि स्थायी समिति सदस्य नभएकोमा उहाँले दुखेसो गर्नुभयो । " पार्टी विद्यानमा जिल्लाको व्यवस्था छैन" उहाँले भन्नुभयो," यो हतार नगरी र फुकीफुकी हिड्नु पर्ने बेला हो, वाइसीएल जिल्ला संरचनाका लागि संक्रमणकालीन व्यवस्था गर्नु पर्छ।"
उहाँले वाइसीएल जिल्लाका विषयमा प्राविधिक समस्या रहेको स्पष्ट पार्नुभयो। फुकीफुकी, नहतरिइकन, । गाउँगाउँ पुग्दैमा संगठन नहुने तर्क गर्नु भएका नेता गजुरेलले समस्या देखिएका सबै ठाउँमा वाइसीएल पुग्नु पर्ने आवश्यकता औँल्याउनु भयो ।
कसले बोले के भने ?
पार्टीका पोलिट्ब्युरो सदस्य इन्द्रबहादुर आन्बोले निर्वाचन प्रणाली होइन, शासकीय स्वरुप परिवर्तन गर्नु पर्ने बताउनु भयो । निर्वाचन प्रणाली परिवर्तन गर्ने कुरा संविधानको विपरीत भएको उहाँको तर्क छ। बहुमत ल्याउँदैन ।
"देशको शासकीय स्वरुप कार्यकारी प्रणालीको हुनैपर्छ" उहाँले भन्नुभयो," मुलुकको कार्यकारी व्यक्ति प्रत्यक्ष निर्वाचित हुनुपर्छ, नत्र समस्या सुल्झदैन ।"
कोशी प्रदेश माओवादी संसदीय दलका नेतासमेत रहनु भएका आङ्बोले सांसदले कानुन बनाउने र विज्ञ मन्त्री हुने र शासन चलाउने व्यवस्था हुनुपर्नेमा जोड दिनुभयो ।
"संविधान जनताको तहसम्म पुग्न सकेको छैन, अहिलेकै राजनैतिक अस्थिरतामा जनअपेक्षा सम्बोधन गर्न सकिँदैन" उहाँले भन्नुभयो," रवि लामिछाने प्रवृत्ति हामी हुँदा मुलुकमा केही भएको छैन भन्ने भाष्य निर्माण भएको छ, यो सरासर गलत हो ।" पार्टीमा हाबी भएको गुटबन्दीप्रति उहाँले रोष व्यक्त गर्नुभयो ।
"रवि लामिछानेको पछि कुद्ने सोच भएका युवा मुलुकलाई चाहिएको होइन " उहाँले भन्नुभयो," कृष्णबहादुर महरा सुन काण्डमा मुछिएभन्दा औँला ठड्याउने र पक्राउ गर्नुपर्छ भन्ने युवा मुलुकलाई चाहिएको छ ।" गृहमन्त्री रवि लामिछाने सहकारी ठगीमा मुछिएको उहाँको दाबी छ ।
केन्द्रीय सदस्य रन्जित तामाङले कुरा मात्रै गर्ने र काम नगर्ने नेतालाई तह लगाउनु पर्ने धारणा राख्नुभयो । नेपाली युवा रसिया, युक्रेनमा लडिरहेको र गाँजामा हराइरहेको सुन्दा देशको अवस्था चित्रित हुने तामाङको तर्क छ।
अर्का केन्द्रीय सदस्य अजम्बर काङ्बाङले राजनीति र विचार विहीताले देश बर्बाद भएको बताउनु भयो। देशमा उद्यमशीलता नहुँदा युवा दुर्गा प्रसाईं, ज्ञानेन्द्र शाह र रविको पछि लाग्न बाध्य भएको उहाँको टिप्पणी छ । समाजवाद पारिकाले नभई आफ्नै सुरता, विरता र तागतले मुलुक सुहाउँदो समाजवाद स्थापनामा उहाँले जोड दिनुभयो ।
त्यसैगरी अर्का केन्द्रीय सदस्य मोक्क्षहाङ मेन्याङ्बो पार्टीको लक्ष्य नेपाली विषेशताको नयाँ वैज्ञानिक समाजवाद स्थापना भएको बताउनु भयो। "व्यवस्थाले मुलुकको समग्र परिवर्तन सम्भव हुँदैन" उहाँले भन्नुभयो," समाजवाद स्थापनाको तयारीका लागि जेठ १५ गतेदेखि पहिलो चरणमा दुई महिने पूर्बेली जनसंगठन अभियान चलाउछौँ । "
अर्का केन्द्रीय सदस्य सुशीला घिमिरे वाइसीएल बिद्रोहको चरित्रमा आउनु पर्ने र विद्रोह गर्नु पर्नेमा जोड दिनुभयो । उहाँ वाइसीएललाई गर्जिन आग्रह गर्नुभयो।
आइसीएल अध्यक्ष सुबोध सेर्पालीले कांग्रेस र एमालेप्रति लक्षित गर्दै झापामा देशलाई गलत दिशामा लाने दुई पार्टीका नेता रहेको गम्भीर आरोप लगाउनु भयो । आफ्नै पार्टीका भ्रष्टाचारीलाई नेतालाई चोकमा ल्याएर नङ्ग्याउने चेतावनी दिनुभएका उहाँले वाइसीएल रिटर्नी शक्तिका रूपमा स्थापित गर्ने जिकिर गर्नुभयो ।
शेर्पालीले इतिहासमा नै मुलुकले माओवादी प्रधानमन्त्री, अर्थमन्त्री र राष्ट्रिय योजना आयोगको प्रमुख पाएको बेला पनि देशमा युवा सुहाउँदो बजेट नआए दुर्भाग्य हुने बताउनुभयो।
नेकपा माओवादी केन्द्रले झापामा युद्धकालीन अर्धसैनिक दस्ता वाइसीएल विधिवत रूपमा ब्युताएको छ । विगतमा पार्टीको सहायक संगठनको रूपमा रहेको वाइसीएल झापाको नेतृत्व डेविट शाहीले सम्हाल्नु भएको छ ।
शाही अध्यक्ष रहेको ७५ सदस्यीय जिल्ला कमिटीमा वरिष्ठ उपाध्यक्ष हिमाल विष्ट, उपाध्यक्षद्वय विनोद नेम्वाङ र बुद्धिमान तामाङ, सचिव जनक लुवागुन, सहसचिव प्रेम रानामगर, रुद्र राउत, समीर लिम्बु र सन्तोष विश्वकर्मा तथा कोषाध्यक्षको जिम्मेवारी मेनुका राजवंशीले सम्हाल्नु भएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच