रुपन्देही । नेकपा (एकीकृत समाजवादी) का महासचिव घनश्याम भुसालले गाडी र साडी मात्रै बेचेर मुलुक नबन्ने बताउनु भएको छ।
मोर्चा संगठन लुम्बिनी प्रदेशले शनिबार दाङ भालुवाङमा आयोजना गरेको जनसंगठनको विस्तारित बैठक तथा प्रशिक्षण कार्यक्रमलाई सम्बोधन गर्दै उहाँले उत्पादन नगरी अर्काको देशमा उत्पादित गाडी र साडी मात्रै बेचेर मुलुक बन्न नसक्ने दावी गर्नुभएको हो ।
उहाँले राष्ट्रिय पुँजीको विकास गरेर समाजवादमा नजाँदासम्म मुलुक अगाडि बढ्न नसक्ने बताउनु भयो । 'अहिले हाम्रो देशमा उत्पादनमा आधारित उद्योग नै स्थापना गर्ने सकेनौं, त्यसैले युवा पलायन भईरहेका छन्' महासचिव भुसालले भन्नुभयो, 'अब नेपाल राष्ट्रिय पुजीकोविकास गरेर समाजवादमा जाने नीति लिएका छौं ।' उहाँले रोजगारी सृजना गर्दै मुलुकमा १० बर्षभित्र राष्ट्रिय पुँजीको विकास गर्नुपर्ने बताउनु भयो । उहाँले नेपालमा कम्युनिष्ट पार्टी स्थापना गर्दा सामन्ति सत्ता रहेको तर अहिले दलाल पुँजीबाद रहेकाले त्यससंग जुध्न राष्ट्रिय पुँजीको विकास गर्नुपर्ने बताउनु भयो ।
महासचिव भुसालले नेकपा एकीकृत समाजवादीको महाधिवेशले अहिलेको विद्यमान समस्याबाट निकास निकाल्नेगरी नीति बनाउने समेत बताउनु भयो । उहाँले अहिले देशमा उद्योग धन्दा धारासायी भएको र निजि क्षेत्र उत्साही हुन नसकेको बताउँदै यसको कारण दलहरूमा वैचारिक अस्पष्टता रहेको बताउनु भयो । उहाँले अब उद्योगधन्दालाई प्रोत्साहन गर्दै त्यस्ता उद्योगलाई विद्युत, कर लगायतमा छुट दिने नीति ल्याउनुपर्ने बताउनु भयो ।
०६२-६३ सालको जनक्रानितले समान्तवाद समाप्त पारेको बताउँदै अबको बाटो राष्ट्रिय पुँजीको विकास गरी रोजगारी सृजना गर्नमा केन्द्रीत हुनुपर्ने उहाँले जोड दिनुभयो । नेपालका कम्यूनिष्ट पार्टीहरू वैचारिक रूपमा अलमलमा रहेकाले आफुहरूको महाधिवेशनको दस्तावेजले हलचल ल्याउने बताउनु भयो । उहाँले आफुहरूको विद्रोह संसद विघटनसंग मात्रै नजोडिएको बताउँदै केपी ओलीसंग वैचारिक र सैद्वान्तिक मतभेद पहिल्यैदेखि रहेको बताउनु भयो ।
उहाँले आफुहरूको महाधिवेशन समयमै हुने समेत बताउनु भयो । महाधिवेशनको दस्तावेजले कम्यूनिष्ट पार्टीहरूमा हलचल ल्याउने जनाउनु भयो । उहाँले अहिले बनेको गठबन्धनमा अस्तित्व सहित आफुहरू सहभागी भएको बताउनु भयो । जनता र राष्ट्रका मुद्वामा संगैसगै हुने भएकाले सरकारका गएको समेत उहाँले प्रष्ट्याउनु भयो । उहाँले काँग्रेससँगको गठबन्धनमा बस्दा पुच्छर बनेको भन्नेहरूले फेरि एमालेसंग मिल्दैछन् भनेर हल्ला फैलाएको बताउनु भयो । उहाँले अहिले कुनै पनि दलसंग एकता नहुने बताउनु भयो।
प्रशिक्षण कार्यक्रममा नेकपा (एकीकृत समाजवादी) का सचिव एवं लुम्बिनी प्रदेश ईन्चार्च हरी पराजुलीले जनताका आधारभूत बिषयमा कार्यकर्ता केन्द्रित हुन आग्रह गर्नुभयो । उहाँले समाजमा किसान, मजदुर, दलित, महिला तथा उत्पिडित समुदायका मुद्वामा उठाउन समेत उनले आग्रह गरे ।
यस्तै कार्यक्रममा नेकपा एकीकृत समाजवादी लुम्बिनीका अध्यक्ष सोमप्रसाद पाण्डेयले कम्यूनिष्ट आन्दोलनमा देखिएको निराशशालाई अब आफुहरूले आशामा परिणत गर्ने बताउनु भयो । उहाँले २०७५ सालसम्म कम्यूनिष्ट बहुमत रहेकोमा एमालेका कारण त्यो घटेको समेत बताउनु भयो । उहाँले महाधिवेशनले स्पष्ट नीति र बाटो तय गर्ने भएकाले भ्रममा नपरी संगठन निर्माणमा जुटन नेतम कार्यकर्तालाई आग्रह गर्नुभयो।
कार्यक्रममा पार्टीका लुम्बिनी प्रदेश बृहस्पति अधिकारी,सचिव अशोक कोईराला,मोर्चा संगठन लुम्बिनीका ईन्चार्ज अब्दुल हुसेन खाँ, पार्टी रूपन्देहीका अध्यक्ष श्रीराम यादव, अखिल नेपाल महिला संघ समाजवादी लुम्बिनी अध्यक्ष लक्ष्मी भुसाल लगायतले बोल्नुभएको थियो ।
उक्त अवसरमा लुम्बिनी प्रदेश सरकार महिला बालबालिका तथा जेष्ठ नागरिक मन्त्री भगवती अधिकारीलाई सम्मान गरिएको थियो ।
बैठकमा नेकपा एसका विभिन्न जनवर्गिय संगठनका प्रदेश अध्यक्ष एव प्रतिनिधिहरूले रिपोर्ट प्रस्तुत गरेका थिए ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच