काठमाडौं । सभामुख बाबुराम गौतमको पनि नाम समावेश गरेर कोशी प्रदेशको नयाँ मुख्यमन्त्रीमा नेपाली कांग्रेसका उद्धव थापाले दाबी पेश गर्नुभएको छ ।
कांग्रेस कोशी प्रदेशका संसदीय दलका नेता थापाले बिहीबार अपरान्ह प्रदेश प्रमुख परशुराम खापुङसमक्ष मुख्यमन्त्रीमा दाबी गर्नुभएको हो । थापाले प्रदेशसभाका ४७ सदस्यको समर्थन आफूलाई रहेको खापुङसमक्ष मुख्यमन्त्रीमा दाबी पेश गर्नुभएको हो ।
थापाले कांग्रेसका २९ , माओवादी केन्द्रका सभामुखसहित १३ , नेकपा एकीकृत समाजवादीका ४, जनता समाजवादी पार्टीका १ जनाको आफूलाई समर्थन रहेको भन्दै दाबी पेश गर्नुभएको हो ।
यहाँ गठबन्धनसँग सभामुखसहित ४७ जना सांसद छन् । यता एमाले–राप्रपासँग पनि ४६ नै सांसद छन् । राप्रपाले गठबन्धनलाई साथ नदिएपछि सभामुख बाबुराम गौतमलाई माओवादी सांसद गनेर बहुमत पुर्याइएको हो ।
प्रदेश प्रमुख खापुङले दुई वा दुईभन्दा बढी दलको समर्थनमा मुख्यमन्त्रीमा दाबी गर्न बिहीबार साँझ पाँच बजेसम्मको समय दिनुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच