सर्लाही । सर्लाहीको ईश्वरपुर नगरपालिका–१३, श्रीनगरमा सर्पले डसेर एक बालकको मृत्यु भएको छ ।
विषालु करेत सर्पको डसाईबाट चन्द्रनगर गाउँपालिका–५, मोहनपुर मुस्लिम टोल बस्ने नजामुद्दिन अन्सारीका छोरा वर्ष १२ का नुरसैद्द अन्सारीको मृत्यु भएको हो ।
नुरसैद्द श्रीनगरस्थित मामाघरमा बसेर स्थानीय मदरसामा पढ्नुहुन्थ्यो । मामाघरमा राति अन्य बालबालिकासँगै म्याट ओछ्याएर सुत्नुभएका बालकलाई सुतेकै ठाउँमा सर्पले डसेको स्थानीयले बताएका छन् ।
बालकलाई राति कानमा सर्पले डसिरहेको देखेपछि सँगै सुतेका अन्य बालबालिकाले हल्लाखल्ला गरेका थिए । राति ११ बजेतिर सर्पले डसेपछि बालकलाई उपचारका लागि नवलपुरस्थित सर्पदंश उपचार केन्द्रमा ल्याइयो । उपचार केन्द्रले यहाँ भेन्टिलेटर र आइसियू सञ्चालनमा नरहेको भन्दै जनकपुर रेफर गर्यो ।
जनकपुरमा उपचारकै क्रममा बालकको मृत्यु भएको श्रीनगरका स्थानीय शरदसिंह कुशवाहाले जानकारी दिनुभयो । नवलपुरस्थित सर्पदंश उपचार केन्द्रमा रहेको भेन्टिलेटर र आइसियू सञ्चालन गर्न नसक्दा सर्पले टोकेपछि केही ढिलो गरी सिकिस्त अवस्थामा ल्याइएका यस्ता बिरामीको उपचार असम्भव हुने गरेको छ । बिरामीलाई यहाँबाट सुविधा सम्पन्न अस्पतालमा पठाउँदा अस्पताल पुर्याउँदासम्म मृत्यु हुने गरेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच