काठमाडौं । सञ्चार तथा सूचना प्रविधिमन्त्री रेखा शर्माले नेपालको संविधान विश्वस्तरमै उत्कृष्ट रहेको बताउनुभएको छ ।
मंगलवार मंगलवार संविधान दिवस २०८० को अवसरमा चलचित्र विकास बोर्डमा आयोजित सम्मान तथा पुरस्कार वितरण समारोह २०८० लाई सम्बोधन गर्दै उहाँले यस्तो बताउनुभएको हो । उहाँले अहिलेको व्यवस्थाले तल भन्दा तलका मान्छेलाई सिंहदरबार भित्र्याउने काम गरेको भन्दै यो सकारात्मक कदम भएको बताउनु भयो ।
उहाँले व्यवस्था बदले पनि अवस्था बदल्न नसकेको भन्दै मान्छेको जीवनमा परिवर्तनको अनुभुति गर्ने गरेर राज्यले अवस्था बदल्नुपर्ने बताउनु भयो । उहाँले यही व्यवस्था अन्तर्गत राज्य सञ्चालन गरेकाहरुले गरेको गल्तीबाट यो व्यवस्था बेठिक भएको हो की के हो भन्ने प्रश्न उठेको पनि बताउनु भयो ।
उहाँले भन्नुभयो, ‘भर्खरै मात्रै सरकारले नागरिकता सम्बन्धी नियमावली २०८० पारित गरेको छ । जसले आमाले नागरिकता अलि सजिलो गरी दिन पाउने व्यवस्था भएको छ । अरु पनि बाँकी मौलिक हकमा शिक्षा, स्वास्थ्य लगायतका कैयन कुरालाई संविधान, समाजवादउन्मुख भनेका छौँ र समाजवादमा पुग्नका निमित्त शिक्षा, स्वास्थ्य लगायतका जतिपनि विषय अघि बढाउनुपर्छ । सस्तो सुलभ गुणस्तरी र निःशुल्क बनाउनु पर्छ भनेर पनि संविधानमा १२ कक्षासम्म निःशुल्क भनेका छाैँ । धेरैकुरा संविधानमा लेखेका छौँ । यस अर्थमा हामी के भन्छौँ भने सापेक्ष रुपमा र विश्वस्तरमा हेर्दा पनि यो संविधान उत्कृष्ट छ । हाम्रो व्यवस्था उत्कृष्ट छ । हाम्रा सबै सकारात्मक पहल कदमीका कुरा गरिरहँदा हामी अर्को ठाउँमा पुग्छौँ । यही व्यवस्थाले तल भन्दा तलका मान्छेलाई सिंहदरबार भित्र्याउने काम गरेको छ । यो सकारात्मक कुरा हो । व्यवस्था बदल्यौँ अवस्था बदल्न सकेका छैनौँ । मान्छेको जीवनमा परिवर्तनको अनुभुति गर्ने गरेर राज्यले जे व्यवस्था गर्नुपर्ने हो त्यो हुन सकेको छैन । सबै काम राम्रा भइरहेका छैनन् । यही व्यवस्था अन्तर्गत राज्य सञ्चालन गरेकाहरुले गरेको गल्तीबाट यो व्यवस्था बेठिक भएको हो की के हो भन्ने प्रश्न छन् ।’
मन्त्री शर्माले समाजवादमा पुग्नका निमित्त शिक्षा, स्वास्थ्य लगायतका मौलिक अधिकारहरु निःशुल्क र गुणस्तरीय बनाउनु भयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच