काठमाडौं । नेपाल सुपर लिग (एनएसएल) मा सुदूरपश्चिमको एक्लो फ्रेन्चाइज फुटबल टिम धनगढी एफसीले युगलकिशोर राईलाई मुख्य प्रशिक्षकको जिम्मेवारीमा निरन्तरता दिएको छ । क्लबले शुक्रबार विज्ञप्ति जारी गर्दै मुख्य प्रशिक्षकमा राईलाई नियुक्त गरेको जनाएको छ । एनएसएल-२०२१ मा भएको पहिलो एनएसएलमा पनि धनगढी एफसीमा राई प्रशिक्षक हुनुहुन्थ्यो ।
गो ड्रिमर्स प्रालिको स्वामित्वमा रहेको धनगढी एफसीले ‘मार्की खेलाडी’ मा राष्ट्रिय टोलीका मिडफिल्डर आशिष चौधरीलाई लिएको छ । धनगढी एनएसएलको पहिलो संस्करणको फाइनलसम्म पुगेको थियो । फाइनलमा धनगढी काठमाडौं रेजर्ससँग १-० ले पराजित भएको थियो ।
यस्तै, नेपाली राष्ट्रिय टोलीका युवा खेलाडी आयुष घलानलाई पोखरा थन्डर्सले मार्की खेलाडीका रूपमा अनुबन्ध गरेको छ । नेपाल सुपर लिग (एनएसएल) को दोस्रो संस्करणका लागि उहाँलाई पोखराले सम्झौता गरेको हो । पहिलो संस्करणमा पनि उहाँले पोखराबाट नै खेल्नुभएको थियो । राष्ट्रिय टोलीका नियमित सदस्य आयुषले सन् २०२१ को मेमा इराकविरुद्धको मैत्रीपूर्ण खेलबाट नेपालका लागि डेब्यु गर्नुभएको थियो ।
उहाँले नेपालका लागि १९ खेल खेलिसक्नुभएको छ । एनएसएलको दोस्रो संस्करण मंसिर ८ देखि काठमाडौंमा सुरु हुँदैछ । यस सिजनमा पहिलो संस्करणका ६ र ३ नयाँ गरी कुल ९ टोलीले प्रतिस्पर्धा गर्दैछन् ।
यसअघि धनगढीले आशिष चौधरी, बुटवलले एरिक विष्ट, एफसी चितवनले विशाल श्रेष्ठ, झापाले अञ्जन विष्ट, ललितपुर सिटीले अनन्त तामाङ र वीरगञ्ज युनाइटेडले दीपक कार्कीलाई मार्की खेलाडी सार्वजनिक गरिसकेका छन् ।
Like
Love
Happy
Surprised
Sad
Excited
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर