काठमाडौं – इन्डियन प्रिमियर लिग (आईपीएल) अन्तर्गत गएराति भएको खेलमा चेन्नई सुपर किंग्सविरुद्ध गुजरात टाइटन्सले सानदार जित दर्ता गरेको छ । गुजरातका ओपनरले शतक बनाउँदै आईपिएल क्रिकेटमा नयाँ कीर्तिमान बनाए ।
गुजरात ओपनर कप्तान शुभमन गिल र साई सुदर्शनको शतकीय इनिङ्सले चेन्नई स्तब्ध भएको छ। नरेन्द्र मोदी स्टेडियममा टस हारेर पहिला ब्याटिङ थालेको गुजरातले निर्धारित २० ओभरमा तीन विकेट गुमाउँदै २३१ रन बनाएको थियो।
गुजरातका कप्तान गिलले सर्वाधिक १०४ रन बनाए। ५५ बल खेलेका उनले ९ चौका र ६ छक्का प्रहार गरे। आईपीएलमा गिलको यो चौथो शतक हो। सुदर्शनले ५१ बलमा ५ चौका र ७ छक्कासहित १०३ रन बनाए। आईपीएलमा सुदर्शनको यो पहिलो शतक हो। पहिलो विकेटका लागि गिल र साईले २१० रनको साझेदारी गरेर इतिहास बनाएका छन्।
गुजरातका लागि शाहरुख खान २ रनमा आउट हुँदा डेभिड मिलर १६ रनमा नटआउट रहे। चेन्नईका तुषार देशपाण्डेले चार ओभरमा ३३ रन खर्चिएर २ विकेट लिए।
२३२ रनको लक्ष्य पछ्याएको चेन्नाईका ओपनर पहिलो ओभरमै आउट हुँदा सुरुवाती ब्याटिङ खराब बनेको थियो। कप्तान रुतुराज गायकवाड तीन बल खेलेर शून्य रनमा आउट हुँदा अजिंक्य रहाणे पाँच बलमा एक र रचिन रविन्द्र दुई बलमा १ रन जोड्दै आउट भए।
सुरुवाती ब्याटिङ लाइन धरापमा पर्दा सम्हालिएर खेलेको चेन्नई आठ विकेट गुमाउँदै १९६ रनमा समेटिएको हो। उसका लागि डेरिल मिचेलले सर्वाधिक ६३ रन बनाउँदा मोइन अलीले ५६ रन बनाए। शिवम दुवे २१, रविन्द्र जडेडा १८ रनमा आउट हुँदा महेन्द्रसिंह ध्वनीले नटआउट २६ रन जोडे। अन्य ब्याट्सम्यानले दोहोरो रन जोड्न सकेनन्।
चेन्नईलाई सस्तैमा समेट्न गुजरातका लागि मोहित शर्माले तीन विकेट हात पार्दा राशिद खानले दुई विकेट लिए भने सन्दीप वारियर र उमेश यादवले एकएक विकेट हात पारे।
यो जितसँगै तालिकाको पुछारबाट आठौं स्थानमा पुगेको गुजरातले १० अंक जोडेको छ। चेन्नई भने १२ अंकसहित चौथो स्थानमा रहेर प्लेअफका लागि गणितीय खेलको संघर्षमा पुगेको छ।
यो पनि पढ्नुहोस्
बजेट अधिवेशनको पहिलो बैठकमै कांग्रेसको अवरोध
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच