धनगढी । सुदूरपश्चिम क्षेत्रमा आज दिउँसो दुई पटक भूकम्पको धक्का महसुस गरिएको छ ।
राष्ट्रिय भूकम्पमापन तथा अनुसन्धान केन्द्रका अनुसार मंगलबार दिउँसो २ बजेर ४० मिनेटमा बझाङ केन्द्रविन्दु भएर ५.३ रेक्टरस्केलको भूकम्प गएको थियो । फेरि ३ बजेर ६ मिनेटमा बझाङमै केन्द्रविन्दु भएर ६.३ रेक्टरस्केलको अर्को भूकम्प गएको केन्द्रले जनाएको छ ।
सो भुकम्पको झट्का भारतको राजधानी नयाँदिल्लीमा पनि महसुस गरिएको भारतीय सञ्चार माध्यमले जनाएका छन् ।
भूकम्पले बझाङमा केही घरमा क्षति पुगेको प्रारम्भिक जानकारीमा आएको छ ।
दुर्गाथलि गाउँपालिका–२ स्थित महालिङ्ग आधारभुत विद्यालयको भवन भत्केको खबर छ । मानविय क्षतिको भएको जानकारीमा आएको छैन ।
समाचार अनुसार त्यहाँ इन्टरनेट र विजुलीसमेत विच्छेत भएको छ भने ठाउँ ठाउँमा गएको पहिरोका कारण सडक समेत अवरुद्ध भएको प्रारम्भिक जानकारी प्राप्त भएको छ ।
बिस्तृत बिवरण आउन बाँकी छ ।
तस्वीर: नरेन्द्र उपाध्यायको फेसबुकबाट
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच