भोजपुर । भोजपुरमा खानेपानी ब्यवस्थापनको जिम्मा पाएको सिलिचुङ खानेपानी मुल उपभोक्ता समितिको नेतृत्वको लागि शुक्रवार भएको निर्वाचनमा ५४ प्रतिशत मतदान भएको छ ।
मतदानमा कुल १ हजार ९ सय ५१ मध्ये १ हजार ५६ मत खसेको छ । जुन ५४ दशमलब १३ प्रतिशत हो । कोषाध्यक्ष पदमा कृष्णमाया तामाङ निर्विरोध निर्वाचित भएकाले अध्यक्ष सहित ८ पदको लागि शुक्रबार बिहान ८ बजे देखि ४ बजेसम्म मतदान भएको थियो ।
मतदान सकिएकाले मत गणना सुरू गरिएको निर्वाचन समितिका संयोजक भीषण श्रेष्ठले बताउनुभयो । निर्वाचनमा तुफान किराँतको समुहबाट उपाध्यक्षमा लिलामाया तामाङ, सचिव सुदीप कार्की, खुल्ला सदस्यमा नारायणबहादुर कार्की, डम्बर कुमार श्रेष्ठ, महिला सदस्य लक्ष्मी कुमारी खत्री, जनजाति सदस्य कल्पना देवी तामाङ र दलित सदस्यमा देवी सुन्दास उम्मेदवार हुनुहुन्छ ।
यस्तै राजकुमार श्रेष्ठको समुह तर्फबाट उपाध्यक्षमा निर्मला राई, सचिव घमचन्द्र दाहाल, खुल्ला सदस्यमा चित्रबहादुर प्रधान, रमन राई, महिला सदस्य सुशिला तामाङ, जनजाति सदस्य दीपबहादुर श्रेष्ठ र दलित सदस्यमा दुर्गा रणपहेली प्रतिस्पर्धामा हुनुहुन्छ ।
जिल्लामा सिलिचुङ खानेपानीबाट बितरीत पानी भोजपुर नगरपालिकाको वडा नम्वर ५, ६, ७, ८, ९ र १२ गरी छ वटा वडाका दुई हजार दुई सय घरधुरीले उपयोग गर्दे आई रहेका छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच