स्थायी सरकार बन्यो अब ढुक्क भएर काम गर्नुहोस् : मुख्यमन्त्री कार्की

निरोज कोइराला भोजपुर, संवाददाता

२९ आश्विन २०८०, सोमबार १९:५३

Read Time = 2 mins

डिजिटल संस्करण

कोशी प्रदेश

प्रदेश समाचार

A A- A+

कोशी । कोशी प्रदेशका मुख्यमन्त्री केदार कार्कीले जनतालाई केन्द्रमा राखेर कार्य सम्पादन गर्न कर्मचारीलाई निर्देशन दिनु भएको छ ।

मुख्यमन्त्री तथा मन्त्रिपरिषद्को कार्यालयमा सोमबार मन्त्रालयका सचिव तथा कर्मचारीहरुसँग छलफल गरी कार्कीले काम गर्दा आफैलाई सन्तुष्टि मिलेको छ कि छैन आत्मसात गरिनु पर्ने बताउनु भयो ।

कार्कीले भन्नुभयो, “अब स्थायी सरकार बनेको छ । तपाइँहरु ढुक्क भए काम गर्नुहोस । मन्त्री आउने जाने भईरहन्छ तर कर्मचारी मन्त्रीको होइन जनताको भएर काम गर्नुपर्छ ।” मुख्यमन्त्री कार्कीले सुशासन दिन सरकारले सम्झौता नगर्ने बताउँदै जनतालाई शासन होइन सेवा दिन राजनीतिकर्मी र कर्मचारी उत्तिकै जिम्मेवार हुनु पर्ने धारणा समेत राख्नुभयो ।

मन्त्रीसँगै जनताले कर्मचारीलाई पनि गाली गर्छन भन्दै मन्त्रीले कर्मचारी र कर्मचारीले नेतालाई गाली गर्ने प्रवृत्तिको अन्त्य हुनुपर्ने कार्कीले बताउनुभयो । “मन्त्रीलाई पनि जिम्मेवार बनाउनु पर्छ । अब सुन्ने मात्र होइन निकास दिनुपर्छ । जनताको अख्तियारीलाई सही सदुपयोग गर्नुपर्छ,” उहाँले भन्नुभयो, “आफूले गरेको काम सन्तुष्ट हुने गरी गर्नुहोस् । जनतलााई खुसी बनाउन सहकार्य गरौं ।” कार्कीले बजेट बनाउँदा खुद्रा भन्दा पनि प्रदेशस्तरको काम गर्ने गरी तयार गरिनु पर्नेमा जोड समेत दिनुभयो ।

छलफलमा सहभागी मन्त्रालयका सचिवले सम्बन्धित मन्त्रालयबाट हुँदै आएका काम र समस्याबारे मुख्यमन्त्रीलाई जानकारी गराउनु भएको थियो ।

सरोकार

सरकार

यो खबर पढेर तपाईलाई कस्तो महसुस भयो ?