जुम्ला । जुम्लाको हिमा गाउँपालिका–३ स्थित मोफ्ला गाउँमा युवा कृषि उद्यमी गोपाल रोकाया व्यवसायिक कृषि कर्मबाट आत्मनिर्भर बनेका छन् । सो गाउँबाट करिब पाँच किलोमिटर टाढा रहेको रोकायाको रुम्तु फलफुल उत्पादन तथा नर्सरी जडिबुटी प्रशोधन उद्योग स्थापना गरि ओखर खेतीमा सक्रिय भएको सञ्चालक रोकायाले बताउनुभयो ।
‘कृषि क्षेत्रबाट आर्थिक स्रोत देखी गाउँमै नमुना कृषि उद्यमी भएर कृषि पेशामा जनसहभागीता बढाउनका लागि परेको छु । एक बिगा क्षेत्रफल जमिनमा अहिले करिब १ लाख ओखरका विरुवाको खेती गरेको छु । बजारबाट माग राम्रो हुने गरेको छ’ रुम्तु फलफुलका संचालक रोकायाले भन्नुभयो, ‘ एक करोड बराबर लगानी समेत भएको छ । यो वर्ष १६ लाख ओखरका विरुवा विक्रि भएको छ । विशेषगरी यहाँका स्थानीय तहले विरुवा खरिद गरेर लिने गरेका छन् ।’
दुई छोरी र एक छोराको पढाई खर्चदेखी घर खर्च सबै ओखर खेतीबाट हुने गरेको सञ्चालक रोकायाको भनाइ छ । समाज र राष्ट्र परिवर्तन गर्नका लागि सबैभन्दा पहिला कृषि क्रान्तिको आवश्यकता रहेको छ । राज्यले दिने कृषि अनुदान भन्दा सहुलियत कर्जा दिदाँ किसान उद्यमीलाई चाहिने स्रोत जुटाउन सहज हुने सञ्चालक रोकायाले जानकारी दिनुभयो ।
को हुन् युवा उद्यमी रोकाया ?
जुम्लाको मोफ्ला गाउँमा जन्मेका रोकाया राजनीतिक क्षेत्रमा अगाडि आउने नाम हो । वि.सं २०५९ सालमा पार्टीमा भुमिगत भएर दश वर्षे जनयुद्ध लडेका रोकाया माओवादी पार्टीको विभिन्न जिम्मेवारी बहन गरिसकेका छन् ।
पार्टीको सिंजा कमाण्डको सचिव हुँदै भेरी कर्णाली सेती महाकाली राष्ट्रिय बुद्धिजीवी संगठनको सचिव, २०६३ सालमा अखिल कान्तिकारीको केन्द्रिय सदस्य हुँदै २०६४ सालमा जुम्ला बहुमुखी क्याम्पसमा स्ववियु सभापतिमा निर्वाचित भई काम गरिसकेका छन् । २०६७ सालमा माओवादी केन्द्रबाट भौतिक पुर्वाधार राज्यमन्त्री बनेका देवी खड्का र शान्ति तथा पुनःनिर्माण मन्त्री पुर्व माओवादी नेता टोपबहादुर रायमाझीको स्वकीय सचिव भई काम गरेको रोकायाले बताउनुभयो ।
पछि गाउँ नजिकै रहेको राहदेव माविको राहत शिक्षकमा चार वर्ष जागिर खाई राजीनामा दिएर कृषि पेशा रोजेको युवा उद्यमी रोकायाको भनाइ छ । ओखर खेतीसँगै ११ सय फुजी स्याउ र स्थानीय जातको चार सय बढी स्याउ खेती गरिएको छ । खरायो, मौरी र माछा र बाख्रा पालनदेखी केसरी खेती परिक्षण यो वर्षबाट गरिएको युवा कृषि उद्यमी गोपाल रोकायाले बताउनुभयो । जिल्लाका आठवटै स्थानीय तहका किसानले ओखरका बिरुवाको माग आउने गरेको रुम्तु फलफुल उत्पादन तथा नर्सरी जडिबुटी प्रशोधन उद्योगले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच