सर्लाही । गोडैता जिल्लाको दक्षिण पश्चिम भेगस्थित गोडैता नगरपालिका-८, सिसौटियामा मंगलबार राति ८ बजेतिर ट्याक्टर पल्टिँदा दुई जनाको ज्यान गएको छ । गाउँको भित्री सडकमा बाँस लोड गरिएको ना ५ त ६१८२ नम्वरको ट्याक्टर अनियन्त्रित भइ पल्टिँदा ट्याक्टरका मालिक एवं चालक गोडैता नगरपालिका-७, का ४० वर्षीय अशेश्वर पटेल र सह-चालक गोडैता नगरपालिका-८, का २८ वर्षीय शंकर पटेलको ज्यान गएको हो । चालक अशेश्वरलाई उपचारका लागि मलंगवाबाट वीरगन्जतर्फ लैजाँदै गर्दा बाटोमा नै र सह-चालक शंकरको घटनास्थलमै मृत्यु भएको डीएसपी दीपेन्द्र पन्जियार थारुले बताउनुभयाे ।
दुर्घटनामा गोडैता नगरपालिका-८, बस्ने २० वर्षीय रुपेश महतो र रौतहटको परोहा नगरपालिका-८, बस्ने २४ वर्षीय जयप्रकाश पटेल घाइते छन् । उनीहरुको प्रादेशिक अस्पताल मलंगवामा उपचार चलिरहेको प्रहरीले जनाएकाे छ ।
मृतक र घाइतेलाई ट्याक्टरले थिचिरहेको अवस्थामा जेसीबी प्रयोग गरेर बाहिर निकालिएको प्रहरीकाे भनाइले जनायो । उनका अनुसार दुर्घटनामा परेको ट्याक्टर राति प्रहरी कार्यालयसम्म ल्याउन सम्भव नभएपछि घटनास्थलमै सुरक्षितसँग राखिएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच