कैलाली । कैलालीको धनगढी उपमहानगरपालिकाले मोबाइल एपमार्फत दमकल सेवा दिन सुरु गरेको छ । नगर प्रमुख गोपाल हमालले मोबाइल एपमार्फत दमकल सेवा शुभारम्भ गर्नु भएको हो ।
मोबाइल एम डाउन्लोड गरेका नागरिकले दमकल थिच्दा उपमहानगरपालिकामा साइरन बज्ने छ । नगर प्रहरीसँगै उपमहानगरपालिकाका विपद्सँग जोडिएका कर्मचारीको फोनमा म्यासेजसमेत जाने छ । मोबाइल एपमार्फत आगो लागेको क्षेत्र, सडक तथा घरधनीको नाम र फोन नम्बरसमेत उपमहानगरपालिकाले पाउने छ ।
नगर प्रमुख हमालले एपको सहायताले आगो लागेको क्षेत्रसम्म दमकल जान समय बचत हुने बताउनु भयो । उहाँले भन्नुभयो, ‘आगो लागेपछि सबै भन्दा महत्वपूर्ण समय हो । कसैको घरमा आगलागीपछि धुवा खोज्नुपर्ने बाध्यता छ । यो एपले त्यो समस्या समाधान गर्ने छ । समय बचत भएपछि धन र जन बचाउन सकिन्छ । धनगढीका वैज्ञानिक सुमन पौडेलले प्रविधि विकास गर्नु भएको छ । उहाँले हामीलाई निःशुल्क सेवा जडान गर्नु भएको हो । यो प्रविधिले प्रभावकारी काम गर्नेमा हामीलाई विश्वास छ ।’
धनगढी उपमहानगरपालिकाका वैज्ञानिक सुमन पौडेलले नयाँ प्रविधिको विकास गर्नु भएको हो । उहाँले नेपालमा पहिलो पटक धनगढीमा एपमार्फत दमकल सेवा दिन सुरु गरिएको दाबी गर्नु भएको छ । उहाँले तयार पारेको मोबाइल एप धनगढीका नागरिकले डाउनलोड गरेको हुनुपर्ने छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच