काठमाडौं । नेपाल टेलिकमले उपलब्ध गराउँदै आएको एनटी फाइबर हाल सेवाग्राहीले निकै रुचाएको पाइएको छ । विभिन्न फरक विशेषता र महसुल दर पनि कम भएकाले यसप्रतिको आकर्षण बढिरहेको कम्पनीले जनाएको छ । फाइबर टु द होम(एफटिटिएच) सेवाको हाल उपलब्ध अफरअन्तर्गतको प्याकमा एकैपटक चारवटा सुविधा लिन सकिन्छ ।
उच्च गतिको इन्टरनेटका साथै रोजेको च्यानलसहितको टिभी चलाउन, टेलिफोन सेवा प्रयोग गर्न र मोबाइल डाटासमेत चलाउन सकिन्छ । एउटै तारबाट आवश्यकताअनुसार चारवटा सुविधा चलाउन सकिने भएकाले कम्पनीले ‘अब एउटैमा तीन प्लस १’ सेवा नामकरण गरेको छ ।
एफटिटिएच सुविधा उपलब्ध गराउन आवश्यक पर्ने प्राइमरी नेटवर्क अर्थात् कम्पनीको मुख्य सिस्टमदेखि फाइबर डिस्ट्रिब्युसन क्याबिनेट (एफडिसी) सम्मको नेटवर्क पूर्णतः अण्डरग्राउण्ड अर्थात् जमिनमुनि हुन्छ । त्यसपछि ग्राहकको घरसम्म फाइबर पुर्याउनमात्र एरियल नेटवर्क प्रयोग गरिन्छ । अण्डरग्राउण्ड गरिएका नेटवर्क तुलनात्मकरूपमा थप सुरक्षित र गुणस्तरीय हुने बताइएको छ ।
पछिल्लो अवस्थामा कम्पनीले ड्युअल ब्याण्ड सिपिई (राउटर) मार्फत् एनटी फाइबर उपलब्ध गराउँदै आएको छ । कम्पनीले २५, ५०, १०० र १५० एमबिपिएसको गतिमा एनटी फाइबर सेवा उपलब्ध गराइरहेको छ । हाल एक जिबिपिएससम्म उच्च गतिको एक्सजिपोन प्रविधिमा आधारित एफटिटिएच इन्टरनेट सेवासमेत सुरु गरेको छ । उक्त सेवा ५०० एमबिपिएस र १ जिबिपिएस गरी दुईवटा प्याकेजमा उपलब्ध छ । यसको डाउनस्ट्रिम क्षमता १० जिबिपिएस र अपस्ट्रिम क्षमता २.५ जिबिपिएस रहेको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच