सर्लाही । हरिवन नगरपालिका–९, नोचामा आज (सोमबार) बिहान वीङ्गर गाडीको ठक्करबाट एक महिलाको ज्यान गएको छ ।
नोचास्थित छठघाटमा छठपूजा गरेर घर फर्किदै गरेकी सोही ठाउँकी ५२ वर्षीया लक्ष्मी पोखरेलको दुर्घटनामा ज्यान गएको हो । लालबन्दीबाट यात्रु लिन हरिवनकै नयाँरोडतर्फ गइरहेको मधेश प्रदेश–०३–००१ ज ०३४२ नम्वरको वीङ्गरले बिहान ७ बजेतिर ठक्कर दिँदा गम्भीर घाइते भएका पोखरेललाई उपचारका लागि स्वाभिमान अस्पताल हरिवन ल्याइयो । त्यहाँ ल्याउँदा उहाँलाई चिकित्सकले मृत घोषणा गरे ।
गाडीको ठक्करबाट छठघाटस्थलमा सडक सुरक्षार्थ खटिएका एक ट्राफिक हवल्दार समेत घाइते हुनुभएको हो । ट्राफिक प्रहरी पोष्ट हरिवनमा कार्यरत ट्राफिक प्रहरी हवल्दार सुवोध कुमार यादव घाइते हुनुभएको छ । बाँया खुट्टामा चोट लागेर घाइते हुनुभएका ट्राफिक प्रहरी हवल्दार यादवलाई हरिवनमा सामान्य उपचारपश्चात लालगढ अस्पताल, धनुषा रेफर गरिएको हरिवन प्रहरीले जनायो ।
उक्त वीङ्गरले सडक छेउमा रोकिराखेको बागमती प्रदेश–०२–०३८ प ०३११ नम्वरको मोटरसाइकललाई समेत ठक्कर दिएर क्षति पुर्याएको छ । दुर्घटनामा संलग्न वीङ्गर र त्यसका चालकलाई नियन्त्रणमा लिई अनुसन्धान भइरहेको हरिवनका प्रहरी निरीक्षक अनिलराज गिरीले जनाउनुभयो।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच