लण्डन । युरोकप छनोटमा फ्रान्सले ग्रिकसँग दुई-दुई गोलको बराबरी खेलेको छ । बुधबार समूह ‘बी’को अन्तिम खेलमा फ्रान्सले ग्रिकसँग पहिलो बराबरी खेलेको हो । ग्रिकले घरेलु मैदानमा फ्रान्सलाई रोक्दै शतप्रतिशत जितको नतिजा निकाल्नबाट वञ्चित गरेको छ । शीर्ष स्थानको फ्रान्सले आठ खेलबाट २२ अंक जोड्यो । नेदरल्याण्ड १८ अंकसाथ दोस्रो स्थानमा रहृयो । ग्रिक १३ अंकसहित तेस्रो स्थानमा रहँदै छनोटको यात्रा टुंग्यायो ।
रिपब्लिक अफ आयरल्याण्ड ६ अंकसहित चौथो र गिब्राल्टार अंकविहीन हुँदै पुछारमा रहृयो । पेरिस सेन्ट जर्मेन पिएसजीका रेन्डल कोलो मुआनीले गोल गर्दै फ्रान्सलाई सुरुवाती अग्रता दिलाउनुभएको थियो । अनास्तासियोस बकासेटस र फोटिस लोनिडिसले लगातार दुई गोल गर्दै ग्रिकलाई खेलमा फर्काउनुभयो ।
खेल सकिन १६ मिनेटअघि युसुफ फोफानाले गोल गर्दै फ्रान्सलाई बराबरीमा पुर्याउनुभयो । फ्रान्स यसअघि नै युरोकपमा छनोट भइसकेको थियो । ग्रिक सन् २०१२ पछि पहिलोपटक युरोकपमा स्थान खोजिरहेको छ । जर्मनीको टिकट काट्न ग्रिकले अब प्लेअफको बाटो गुज्रिनुपर्ने भएको छ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच