काठमाडौं । यही शुक्रबारदेखि काठमाडौंमा हुने फ्रेञ्चाइज फुटबल नेपाल सुपर लिग (एनएसएल)को दोस्रो सिजनको तयारी पूरा भएको आयोजक नेपाल स्पोर्ट्स इभेन्ट एण्ड म्यानेजमेन्टले जनाएको छ । काठमाडौंमा बुधबार आयोजित पत्रकार सम्मेलनमा एनएसएलका निर्देशक श्रेयांश कार्कीले प्रतियोगिता सुरु हुनु दुई दिनअघि सबै तयारी पूरा भएको बताउनुभएको हो । ‘अब हामी दुई दिन टाढा छौँ एनएसएलबाट, सबै तयारी भइसकेको छ,’ पत्रकार सम्मेलनमा उहाँले भन्नुभयो, ‘विदेशी खेलाडीहरू आइसकेका छन् । केही विग नेम छन् । विदेशी कोच छन् । आइकोनिक क्याटेगोरी छन् । व्यवस्थापनलगायत सम्पूर्ण तयारी पूरा भएको छ ।’
दर्शकको मनोरञ्जनका लागि स्टेडियमा डिजे र चियर लिडरलाई पनि एनएसएलमा समावेश गराउने आयोजकले जनाएको छ । प्रतियोगिताको उद्घाटन समारोहमा सुशान्त केसी, ट्वीनी गल्र्स र वाङ्देन शेर्पाले मनोरञ्जनात्मक प्रस्तुति दिने आयोजकले जनाएको छ ।
लेजेण्ड फुटबलर डिडियर ड्रोग्बा पनि एनएसएलका बेला काठमाडौं आउने भएकाले धेरै समर्थक उत्साहित रहेको कार्कीले बताउनुभयो । ड्रोग्बाको नेपाल आउने मिति भने तय भइसकेको छैन । प्रतियोगिताकै बीचमा उहाँ नेपाल आउने कार्कीले बताउनुभयो ।
एक महिनासम्म चल्ने प्रतियोगिताका खेल हिमालय टेलिभिजनबाट प्रत्यक्ष प्रसारण हुनेछ । टिकेटिङ पार्टनरका रूपमा आइएमई पे छ । नौ टिम सहभागी यो प्रतियोगिताका खेलहरू दशरथ रंगशालामा हुनेछन् । सबै टिमले एकअर्काविरुद्ध खेलेपछि शीर्ष दुई टिमले क्वालिफायर र तेस्रो र चौथो टिमले इलिमिनेटर खेल्नेछन् ।
दोस्रो संस्करणमा दुई भारतीय रेफ्रीले पनि खेल सञ्चालन गर्ने आयोजकले जनाएको छ । नेपाली फुटबलमा पहिलोपटक एलइडी पेरिमिटर बोर्डहरू प्रयोग हुँदैछ । प्रतियोगिताका लागि टिकटदर साधारणतर्फ २०० र भिआइपीतर्फ ५०० तोकिएको छ । अध्यक्ष कार्कीले समर्थकलाई रंगशालामै आएर समर्थन गरिदिन आग्रह पनि गर्नुभयो ।
प्रतियोगिताको उद्घाटन खेलमा मंसिर ८ गते साबिक विजेता काठमाडौं रेजर्स र नयाँ टोली स्पोर्टिङ इलाम दी मेची फुटबल क्लबबीच प्रतिस्पर्धा हुनेछ ।
यसअघि प्रतियोगिताको पहिलो संस्करण सन् २०२१ मा भएको थियो । कोभिड-१९ महामारीले प्रभावित बनेको पहिलो संस्करण बन्द रंगशालामा सञ्चालन भएको थियो ।
प्रतियोगिताको यस संस्करणमा काठमाडौं रेजर्स, धनगढी एफसी, ललितपुर सिटी एफसी, बुटवल लुम्बिनी एफसी, पोखरा थन्डर्स, एफसी चितवन, झापा एफसी, स्पोर्टिङ इलाम दी मेची एफसी र वीरगञ्ज युनाइटेड एफसी गरी नौ टोली सहभागी छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच