काठमाडौं । विश्वका दुर्ई सयभन्दा बढी मुलुकबाट नेपालमा रेमिट्यान्स भित्र्याउँदै आएको डिजिटल रेमिट्यान्स कम्पनी इसेवा मनि ट्रान्सफर र विश्वको अग्रणी रेमिट्यान्स कम्पनी मनि ग्रामबीचको लामो समयदेखि बैंक र इसेवा वालेटमा भएको साझेदारी अब नगद रेमिट्यान्स भुक्तानीमा पनि सुरु भएको छ ।
सम्झौतासँगै विदेशमा बसोबास गर्दै आएका नेपालीले मनिग्राममार्फत् इसेवा मनि ट्रान्सफरबाट सुरक्षित र विश्वासिलो डिजिटल माध्यमबाट नेपालमा पैसा पठाउन सक्ने कम्पनीले जनाएको छ । साथै, नेपालमा ग्राहकले मनिग्राम ब्राण्डेड इसेवा मनि ट्रान्सफरका भुक्तानी केन्द्रबाट सजिलैसँग आफ्नो भुक्तानी प्राप्त गर्न सक्ने बताइएको छ । ग्राहकले पुस १५ सम्म नगद रेमिट्यान्स पठाउँदा विभिन्न पुरस्कार जित्न सक्नेछन् ।
अफरअन्तर्गत आगामी १० दिनसम्म मनिग्राममार्फत् नगद पठाउँदा अतिरिक्त सय रुपैयाँ बोनसका साथै टिसर्ट, टोपी, कलम र किचनका आकर्षक सामग्री प्राप्त गर्ने र एकजनाले स्मार्ट फोन जित्न सक्ने कम्पनीले जनाएको छ । सम्झौताबारे इसेवा मनि ट्रान्सफरका प्रमुख कार्यकारी अधिकृत अजेश कोइरालाले भन्नुभयो, ‘मनिग्राम जस्तो प्रतिष्ठित रेमिट्यान्स कम्पनीसँग निरन्तर साझेदारी गर्न पाउँदा हामी उत्साहित छौँ । यस सम्झौताले सुरक्षित र भरपर्दाे माध्यमबाट नेपालमा पैसा पठाउन थप सहजता हुने कुरामा हामीलाई विश्वास छ ।’
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच