काठमाडौं । कोशी प्रदेशले पोखरामा जारी केपी ओली टी-२० क्रिकेट प्रतियोगितामा मदन भण्डारी स्पोर्ट्स एकेडेमी ब्ल्युलाई नौ विकेटको फराकिलो अन्तरले पराजित गरेको छ । जितका लागि ६८ रनको विजयी लक्ष्य पछ्याएको कोशीले सात दशमलब चार ओभरमा एक विकेट गुमाउँदै पूरा गर्यो । कोशीको जितमा सोनु अन्सारी २२ बलमा तीन चौका र तीन छक्कासहित ३५ रनमा नट आउट रहनुभयो । मिनाश थापा सात बलमा एक चौका र दुई छक्कासहित १८ रनमा नट आउट रहनुभयो । कप्तान अंकित सुवेदी १७ बलमा दुई चौका हान्दै १४ रनमा आउट हुनुभयो ।
त्यसअघि टस हारेर पहिला ब्याटिङको निम्तो पाएको मदन भण्डारी स्पोर्ट्स १७.५ ओभरमा ६७ रनमा अल आउट भयो । मदन भण्डारीका अर्जुन रायमाझीले २५ बलमा एक चौका र एक छक्कासहित सर्वाधिक २४ रन बनाउनुभयो । अभय यादव १० बलमा एक चौका र एक छक्कासहित १० रनमा आउट हुनुभयो ।
कोशीका श्रवण यादवले ३.५ ओभरमा आठ रन खर्चेर तीन विकेट लिनुभयो । कमल खत्री र फिर्दोस अन्सारीले दुई-दुई विकेट लिनुभयो । सोनु मण्डल, मिनाश थापा र गौरव कटवालले एक-एक विकेट लिनुभयो ।
समूह ‘डी’ बाट यसअघि नै आर्मी सेमिफाइनलमा पुगेको थियो । आर्मीले सेमिफाइनलमा बागमती प्रदेशसँग खेल्नेछ । उता मधेश प्रदेशले एपिएफको सामना गर्नेछ । सेमिफाइनल मंसिर १४ र फाइनल १५ मा हुनेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच