काठमाडौं । सेयर बजार दोहोरो अंकले घटेको छ । बुधबार नेप्से १७.९३ अंकले घटेर १८७६.६० अंकमा झरेको हो । जुन अघिल्लो दिनको तुलनामा ०.९४ प्रतिशतले घटी हो । परिसूचकसँगै कारोबार रकम पनि घटेको छ । मंगलबार एक अर्ब २८ करोडको सेयर कारोबार भएको बजारमा बुधबार एक अर्ब एक करोडमा खुम्चिएको छ । यस दिन कारोबारमा आएका १३ समूहगत सूचकमध्ये १२ वटाको सेयरमूल्य घटेको छ । उत्पादन तथा प्रशोधनमूलक सबैभन्दा धेरै २.१३, विकास बैंक, फाइनान्स, होटल तथा पर्यटनमूलक, जलविद्युत्, जीवन बिमा, निर्जीवन बिमा र व्यापारको इण्डेक्स एक प्रतिशतभन्दा बढीले घटेका छन् ।
सोनापुर मिनरल्स एण्ड आयलको सबैभन्दा धेरै पाँच रुपैयाँ ७० पैसा घटेर छ करोड २८ लाख ९७ हजार रुपैयाँको कारोबार भएको छ भने एनआइसी एसिया बैंक डिबेञ्चर २०८१.८२ को पाँच करोड तीन लाख ५० हजार, सिटिजन लाइफ तीन करोड ६८ लाख नौ हजार, मुक्तिनाथ विकास बैंकको संस्थापक सेयर तीन करोड ३८ लाख पाँच हजार र सोल्टी होटलको तीन करोड ३७ लाख ८५ हजार रुपैयाँ बराबरको सेयर कारोबार भएको नेपाल स्टक एक्सचेन्ज(नेप्से)ले जनाएको छ । विजय लघुवित्तको सेयरमूल्य सर्वाधिक ९.८८ प्रतिशतले बढेको छ भने कुमारी धनवृद्धि योजनाको इकाई ३.६३, सिटिजन म्युचुअल फण्ड-२ को ३.५५, अपर हेवाखोला हाइड्रोपावरको ३.१४ र सानिमा लार्ज क्याप फण्डको २.४२ प्रतिशतले मूल्य बढेको छ ।
बुद्धभूमि नेपाल हाइड्रोपावरको सेयरमूल्य सर्वाधिक ९.९८ प्रतिशतले घटेर प्रतिकित्ता तीन सय ५५ रुपैयाँ ४० पैसामा झरेको छ भने अभियान लघुवित्त ७.०३, महुली लघुवित्त ५.३०, श्वेतगंगा हाइड्रोपावर ५.२७ र युनिलिभर नेपालको ५.०९ प्रतिशतले घटेको छ । कारोबार कित्ता र संख्या दुवैका आधारमा सोनापुर मिनरल्स एण्ड आयल लिमिटेड अग्र स्थानमा रहँदै दुई लाख नौ हजार तीन सय ६१ कित्ता सेयर चार हजार चार सय ४३ संख्यामा कारोबार भएको हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच