कालीकोट । लैङ्गिक हिंसा विरुद्धको १६ दिने अभियान अन्तरगत २०८० को अवसरमा मानवअधिकार सम्बन्धि सरोकारवालासँग शुक्रबार अभिमुखिकरण कार्यक्रम गरिएको छ ।
जिल्लाको सदरमुकाम मान्ममा मानवअधिकार, बालबिवाह, छाउपडी प्रथा, जातीय छुवाछूत तथा भेदभाव सम्बन्धि वडा स्तरीय सरोकारवालासँग अभिमुखिकरण तथा अन्तरक्रिया कार्यक्रम गरिएको हो ।
युरोपियन युनियनको आर्थिक सहयोग, प्लान इन्टरनेशनल नेपाल, फेडो नेपाल कालीकोटको साँझेदारी र मानवअधिकार तथा विकास संचार केन्द्र (हुर्डेक) नेपाल कालीकोटको आयोजनामा खाँडाचक्र नगरपालिका वडा नं. १, २ र ११ नम्बर वडाका जनप्रतिनिधि तथा अन्य सरोकारवालाहरुसँग विभिन्न हिंसाका बारेमा अभिमुखीकरण गरिएको छ । हुर्डेक नेपालका सचिव रिता आचार्य चौलागाईँको अध्यक्षता तथा खाँडाचक्र नगरपालिका वडा नम्बर–११ का वडा अध्यक्ष देवराज भारतीको प्रमुख आथित्यतामा कार्यक्रम भएको हो ।
कार्यक्रममा मानवअधिकारकर्मी कालीबहादुर मल्लले विभिन्न हिंसाहरुको बारेमा मानव अधिकारकर्मी सहभागिलाई प्रशिक्षण गराउनुभएको छ । मानवअधिकार लगायत समाजमा हुने विभिन्न हिंसालाई न्यूनिकरण गर्न र समुदाय स्तरमा जनप्रतिनिधिले गर्नुपर्ने कार्यका विषयमा प्रशिक्षण गराइएको थियो ।
सहभागिले प्रायः जसो हिंसाहरु न्यूनीकरण भएपनी समाजमा अझै हिंसाका विभिन्न कारणले विभिन्न समस्या भित्रिने गरेकाले सबैले चासो दिएर लाग्नुपर्ने र कुरीती कुसंस्कार न्यूनीकरणमा मानवअधिकारकर्मी लगायत सरोकारवालाहरुले विशेष ध्यान दिनुपर्ने बताएका छन् ।
कार्यक्रममा जिल्ला स्थित विभिन्न छापा, अनलाइन, रेडियो टेलिभिजनमा कार्यरत पत्रकारहरुको समेत उपस्थित थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच