किभ । युक्रेनले एक सय किलोमिटरको दूरीमा हवाई खतरालाई रोक्न सक्ने वायुरक्षा प्रणाली उत्पादन गर्ने योजना बनाएको सरकारद्वारा सञ्चालित युक्रेन फर्म समाचार एजेन्सीले रक्षा मन्त्रालयका वरिष्ठ अधिकारीलाई उद्धृत गर्दै शुक्रबार उल्लेख गरेको छ । त्यहाँका उपरक्षामन्त्री इभान हृयाभ्रिल्युकले अर्को वर्ष युक्रेनले पोर्टेबल एन्टी-एयरक्राफ्ट मिसाइल प्रणालीसहित एक सय किलोमिटरभन्दा बढीको दूरीको कोरल प्रकारको वायुरक्षा प्रणाली उत्पादनमा ध्यान दिने बताउनुभएको छ ।
सन् २०२४ मा युक्रेनले रुससँगको जारी द्वन्द्वका बीच मिसाइल र गोलाबारुदको खरिदका निम्ति कुल १७५ बिलियन रिभनिया (लगभग ४.८ बिलियन अमेरिकी डलर) छुट्याउने हृयाभ्रिल्युकले बताउनुभएको छ ।
लुच डिजाइन ब्युरोद्वारा विकसित, कोरल हवाईजहाज, हेलिकोप्टर, क्रुज मिसाइल, ब्यालेस्टिक मिसाइल र मानवरहित हवाई सवारीलाई नष्ट गर्न सक्षम एक विमानविरोधी मिसाइल हो । कोरल मिसाइलको प्रोटोटाइप पहिलोपटक २०२१ मा सार्वजनिक गरिएको थियो ।
हाल युक्रेन आफ्नो आकाशलाई मिसाइल र ड्रोनबाट जोगाउन विदेशी वायुरक्षा प्रणालीमा निर्भर छ । त्यसले आफ्नो सुरक्षामा खतरा उत्पन्न हुन सक्ने युक्रेनको बुझाइ छ । रासस/सिन्हृवा ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच