लण्डन । न्युक्यासल युनाइटेडले इंग्लिस प्रिमियर लिगमा म्यानचेस्टर युनाइटेडलाई पराजित गरेको छ । न्युक्यासलले घरेलु मैदानमा युनाइटेडलाई १-० ले पराजित गरेको हो । न्युक्यासलको जितमा दोस्रो हाफमा एन्थोनी गोर्डनले गरेको गोल नै निर्णायक बन्यो । सेन्ट जेम्स पार्क न्युक्यासलमा शनिबार राती भएको खेलमा गोर्डनले ५५औँ मिनेटमा गोल गर्नुभएको थियो ।
पहिलो हाफ गोलरहित बराबरीमा सकिएको खेलको ५५औँ मिनेटमा एन्थोनी गोर्डनले गोल गर्दै न्युक्यासललाई १–० को अग्रता दिलाउनुभएको थियो । यस नतिजासँगै म्यानचेस्टर युनाइटेडले सन् १९२२ पछि न्युक्यासलसँग लगातार तीन खेलमा हार बेहोरेको छ । युनाइटेड यसअघि गत अप्रिलमा भएको प्रिमियर लिगमा २-० ले तथा नोभेम्बरमा भएको इएफएल कपमा ३-० ले पराजित भएको थियो ।
यस जितसँगै न्युक्यासल १४ खेलबाट २६ अंक जोडेर पाँचौँ स्थानमा उक्लिएको छ । पराजित युनाइटेड २४ अंक जोडेर सातौँ स्थानमा झरेको छ ।
यस्तै अर्को खेलमा बुकायो साका र मार्टिन ओडेगार्डको गोलमा शीर्षस्थानमा रहेको लण्डन क्लब आर्सनलले इंग्लिस प्रिमियर लिगमा जित दर्ता गरेको छ । घरेलु मैदानमा आर्सनलले वल्भ्समाथि २-१ को जित निकाल्दै आफ्नो शीर्षतालाई बलियो बनाएको हो । वल्भ्सका म्याथिअस कुन्हाले एक गोल फर्काउनुभयो ।
घरेलु टोली आर्सनलले १३ मिनेटभित्रै दुई गोलको अग्रता लिएको थियो । त्यही अग्रता जोगाउँदै आर्सनलले महत्वपूर्ण ३ अंक बटुल्न सफल भयो ।
छैटौँ मिनेटमा बुकायो साकाले गोल गर्दै आर्सनललाई १-० को अग्रता दिलाउनुभयो । १३औँ मिनेटमा अलेक्सान्डर जिनचेन्कोको पासमा मार्टिन ओडेगार्डले गोल गर्दै आर्सनलको अग्रता दोब्बर पानुभयो । ८६औँ मिनेटमा म्याथिअस कुन्हाले नेल्सन सेमेडोको पासमा गोल गर्दै खेललाई २-१ को स्थितिमा वल्भ्सलाई खेलमा फर्काउने संकेत दिए पनि त्यसपछि थप गोल निस्कन नसक्दा आर्सनल विजयी हुन सफल भयो ।
यस जितसँगै शीर्षस्थानमा रहेको आर्सनलको १४ खेलबाट १० जित, ३ बराबरी र १ हारबाट ३३ अंक पुगेको छ । आर्सनलले एक खेल कम खेलेको म्यानचेस्टर सिटीलाई ४ अंकले पछि पारेको छ । पराजित वल्भ्स १५ अंकसहित १३औँ स्थानमा छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच