-राजकुमार कार्की
ओखलढुंगा । नेपाली कांग्रेस जिल्ला कार्यसमिति ओखलढुंगाले प्रशिक्षण तथा सम्मान कार्यक्रम सम्पन्न गरेको छ ।
नेपाली कांग्रेसको प्रथम जिल्ला सम्मेलनमा प्रशिक्षण तथा सम्मान कार्यक्रम बुधबार सम्पन्न गरेको हो । जिल्लास्थित नेपाली कांग्रेसमा आबद्धरहेका सदस्यहरुलाई प्रशिक्षण दिइएको नेपाली कांग्रेस ओखलढुंगाले जानकारी दिएको छ ।
बरिष्ठ पत्रकार प्रा. पुरुषोत्तम दाहालले प्रशिक्षण दिनुभएको थियो । उहाँले लोकतन्त्र, राष्ट्रियता, समाजवाद र कांग्रेसको बारेमा प्रशिक्षण गर्नुभएको थियो । कांग्रेस भएर गर्नु पर्ने आचरण र व्यवहारको विषयमा प्रष्ट पार्नु भएको थियो । प्रशिक्षण दिँदै दाहालले लोकतन्त्रको लागि कांग्रेस अपरिहार्य भएकाले जनतासँग कांग्रेस र कांग्रेससँग जनता हुनुपर्नेमा जोड दिनुभयो ।
उहाँले समाजवाद शब्दलाई कम्युनिष्टहरुले पनि ज्यादै प्रयोग गरिरहेको र कांग्रेसको समाजवाद र कम्युनिष्टको समाजवाद फरक भएको विषयमा प्रयोगात्मक प्रयोग गरी देखाउनु भएको थियो ।
आज भएको कार्यक्रममा प्रजातन्त्र र लोकतन्त्रका लागि योगदान पु¥याएका पुराना नेताहरुलाई सम्मान गरिएको थियो । विभिन्न कालखण्डमा नेपाली कांग्रेसलाई योगदान पु-याएका डेढ दर्जन भन्दा बढी नेताहरुलाई सम्मान पत्रद्वारा सम्मान गरिएको थियो ।
जिल्ला सभापति तेजेन्द्र खनालको सभापतित्व र कोशी प्रदेश सभापति उद्धब थापाको प्रमुख आतिथ्यतामा कार्यक्रम सम्पन्न भएको थियो । कार्यक्रममा विशेष अतिथीमा केन्द्रिय सदस्यद्वय प्रदिप कुमार सुनुवार, रामहरि खतिवडा सहभागी हुनुहुन्थ्यो ।
वडादेखि जिल्ला सम्मका पदाधिकारी तथा सदस्यहरुको उपस्थितिमा कार्यक्रम गरिएको थियो । स्वर्गीय मित्रसेन दाहाल र स्वर्गीय डिल्लीराम खनाललाई मरणोप्रान्त सम्मान गरिएको थियो । त्यसै गरि बी.पी स्मृति भवन निर्माण गर्नका लागी सहयोग पु-याएबापत पनि सम्मान पत्रद्वारा सम्मान गरिएको थियो । यस्ताखालका सम्मानका कार्यक्रम अबका दिनमा निरन्तर गर्दै जाने महामन्त्री अजय लुईटेलले जानकारी दिनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच