म्याग्दी । म्याग्दीको सदरमुकाम बेनीमा तत्कालीन माओवादी र नेपाली सेनाबीच २०६० साल चैत ७ गते भएको बेनी भीडन्तमा दुवै पक्षको गोली लागेर छियाछिया भएको बिजुलीको पोल (युद्ध पोलं बेनीबाट गायव भएको १३ वर्ष पछि पुनः बेनीमा नै फर्काइएको छ ।
तत्कालीन शसस्त्र संघर्षरत माओवादी र सरकारी सेनाबीच बेनी भीडन्तको साक्षी बनेको युद्ध पोल (बिजुलिको पोल) २०६७ असोज २१ गते काठमाण्डौमा पुर्याइएको थियो ।
काठमाण्डौंस्थित मदन पुरस्कार पुस्तकालय गुठीको हाताभित्र रहेको यालमायाँ केन्द्रमा राखिएको युद्धपोललाई बिहीबार फिर्ता गरिएको हो । मदन पुरस्कार पुस्तकालयलाई बेनी नगरपालिकाबाट भएको लिखित पत्राचार र औपचारिक भेट गरी भएको आग्रह बमोजिम उक्त पोललाई फिर्ता गरेको हो । बेनी नगरपालिकाका नगर प्रहरी हवल्दार शंकर पौडेललाई केन्द्रले उक्त युद्धपोल हस्तान्तरण गरेको नगरपालिकाले जनाएको छ ।
जिल्लाबाट भएको निरन्तरको पहलले युद्धपोल फिर्ता आएको र यसलाई बेनीमा निर्माण गरिने शान्ति पार्कमा युद्ध स्मारकका रुपमा संरक्षण गरिने बेनी नगरपालिकाका मेयर सुरत केसीले बताउनुभयो ।
बेनी नगरपालिकाको मेयरमा निर्वाचित भएपछि केसीले युद्धपोललाई बेनीमा ल्याएर संरक्षण गर्ने निर्णयमा पहिलो हस्ताक्षर गर्नुभएको थियो । नगरपालिकाले बेनीको विरेन्द्रचोक नजिकै शान्ति पार्क बनाउने तयारी गरेको छ ।
बेनीबाट मंगलाघाट जाने बाटोमा तत्कालीन सेनाको ब्यारेक अगाडी रहेको पोल बेनी भीडन्तमा दोहोरो गोली हानाहान हुँदा छियाछिया भएको थियो । बेनी आक्रमणको साक्ष्मी बनेको युद्धपोल जिल्लामा कुनै छलफल र निर्णय नगरिकन रातारात काठमाण्डौ पु¥याएपछि जिल्लामा यस बिषयमा निरन्तर बहस, छलफल र फिर्ताको लागि पहल हुँदै आएको थियो ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच