जुम्ला । जुम्लाको पातारासी गाउँपालिका-२ पेरे गाउँमा जन्मनुभएकी धाविका सुनमाया बुढाले हङकङमा आयोजित साहसिक खेल अल्ट्रा ट्रेल रेसमा नयाँ कार्तिमान गर्नुभएको छ । बुढाले हङकङमा द नर्थ फेस १०० अल्ट्रा ट्रेल च्यालेन्ज २०२३ को उपाधि हात पार्न सफल हुनुभएको हो । हङकङको न्यु टेरिटोरीस्थित ताइमेईमा गत शुक्रबार रातीबाट सुरु भएको १०० किलोमिटरको प्रतिस्पर्धामा बुढाले १४ घण्टा ४० मिनेटमा निर्धारित दूरी पार गरी प्रथम स्थान हात पार्नुभएको छ । हङकङमा भएको ट्रेल रेस प्रतिस्पर्धामा बुढाको लगातार पाचौँ जितसहित नयाँ कीर्तिमानी हो ।
पुरुषतर्फ नेपालका अर्जुन कुलुङ राईले तेस्रो स्थान हात पार्नुभएको थियो । कुलुङले निर्धारित दूरी १४ घण्टा ४७ मिनेट २६ सेकेण्डमा पूरा गरी तेस्रो स्थान प्राप्त गर्नुभयो । फिलिपिन्सका जोन रे ओनिफाले ११ घण्टा ५७ मिनेट १६ सेकेण्डमा तोकिएको दूरी पार गरी प्रथम हुँदा स्विट्जरल्याण्डका गुइल्लौमे पेरोटले १४ घण्टा २ मिनेट ९ सेकेण्डमा पूरा गरेर दोस्रो स्थान हासिल गर्नुभएको थियो ।
सो प्रतिस्पर्धामा हङकङकै चेउङ मन यीले १४ घण्टा ५९ मिनेट २ सेकेण्ड र एन्जी यानले १६ घण्टा २५ मिनेट ३१ सेकेण्डमा पूरा गरी दोस्रो र तेस्रो स्थान हासिल गर्नुभएको छ । दौडका क्रममा भने आफूले बाटो बिराउँदा हतासिनुपरेको बुढाले बताउनुभयो । बुढाले द नर्थ फेस टिम एपिएबाट प्रतियोगितामा भाग लिनुभएको थियो ।
अर्जुनले पनि बाटो बिराएर ११ किलोमिटरभन्दा बढी दूरी पार गर्नुभयो । उहाँका व्यवस्थापनको कमजोरीका कारण समस्या आएको हो । बाटो नबिराएको भए निकै राम्रो नतिजा ल्याउने कुलुङ बताउनुहुन्छ । सन् २०१४ बाट दौडिन सुरु गर्नुभएका उहाँले नेपालमा हुने अल्ट्रा रन प्रतियोगितामा आफ्नो अब्बलता देखाउनुभएको थियो । तर, हङकङमा भने पहिलो यात्रा भएका कारण खेलमा अपेक्षित सफलता ल्याउन नसक्नुभएका उहाँले स्पेन र अस्ट्रियामा सम्पन्न विश्व च्याम्पियनको समेत अनुभव लिइसक्नुभएको छ ।
कमजोर आर्थिक अवस्था र चिनजान कम भएका कारण प्रोफाइल राम्रो भए पनि अन्तर्राष्ट्रियस्तरका प्रतियोगितामा कम भाग लिएको उहाँले बताउनुभयो । अब भने सुनमाया र अर्जुन थप अभ्यासका लागि चीन जानुहुनेछ । केही हप्ता चीनमा रहने उहाँहरूले आगामी जनवरी १७ मा हुने भिवराम हङकङ १०० अल्ट्रा म्याराथनमा भाग लिने तयारी रहेको धाविका बुढाको भनाइ छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच