म्याग्दी । नेपालको दोस्रो पशुपतिनाथका नामले परिचित म्याग्दीको बेनी नगरपालिका ९ स्थित गलेश्वरधाममा बाला चतुर्दशी पर्वका अवसरमा ४० हजार भक्तजनले शतबीज छरेका छन । त्यस्तै, भक्तजनहरुबाट बाला चतुर्दशीका अवसरमा ६ लाखभन्दा बढि भेटी संकलन भएको छ ।
गलेश्वर शिवालय क्षेत्रविकास कोषले सोमबार बालाचतुर्दशी पर्वका अवसरमा सन् २०२० यता (कोरोना महामारी पछि) सबैभन्दा धेरै भक्तजनहरु आएको जनाएको छ ।
कोषका अध्यक्ष माधवप्रसाद रेग्मीले बालाचतुर्दशी पर्वका अवसरमा गलेश्वरमा देशैभरिबाट गलेश्वरधाममा मानिसहरु पूजाआजा, दर्शन र शतबीज छर्न आएको बताउनुभयो । ‘कोरोना महामारीयता सबैभन्दा धेरै भक्तजन यस वर्षको बालाचतुर्दर्शीमा गलेश्वरधाममा आए । करिव ४० हजार भक्तजनहरुले गलेश्वरको दर्शनसँगै शतबीज छरे ।’ उहाँले भन्नुभयो ।
उहाँका अनुसार, मंगलवार (हिजो) भक्तजनहरुबाट संकलन भएको भेटी गणना गर्दा छ लाख दुई हजार दुई सय ३३ भेटी संकलन भएको छ । भेटी रकम र भक्तजनहरुको उपस्थितिले चालिस हजार भक्तजन आएको पुष्टि भएको उहाँको भनाई छ । भक्तजनलाई शतबीज छर्न, पूजाआजा र दर्शन गर्न सहज होस् भनेर स्वयमसेवक र सुरक्षाकर्मी परिचालन गरिएको थियो ।
गलेश्वरमा लाग्ने मेला पर्वमा एकैदिन संकलन भएको भेटी यसपालीको बालाचतुर्दशीमा हाल सम्मकै धेरै भएको उहाँले बताउनुभयो । उहाँका अनुसार, यसपालीको बाला चतुर्दशीमा देशभरबाट भक्तजनहरु आएका छन् । साउन महिनाको सोमबार, बालाचतुर्दशी, महाशिवरात्रीको भोलिपल्टै र अन्य समयमा मासिक रुपमा मन्दिरमा चढाएको भेटी रकम गणना गर्ने गरिएको छ ।
कृष्णगण्डकी किनारमा रहेको ९ रोपनी चट्टानमा फैलिएको एउटै गोलाकार चक्रशिलाको उत्तरपूर्वी कोणमा अवस्थित मन्दिरभित्र स्वयम् उत्पत्ति ज्योतिर्लिङ्गेश्वर महादेव विराजमान भएको क्षेत्रमा प्रवेश गरेमात्रै पनि मनोकामना पूरा हुने जनविश्वास रहेको छ । मुक्तिनाथ दर्शन गर्न आएका भक्तजनहरु समेत गलेश्वर शिवालयको दर्शन गर्ने गर्दछन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच