काठमाडौं । अफगानिस्तानले आगामी जुनमा अमेरिका र वेष्ट इण्डिजमा आयोजना हुने आइसिसी टी-२० विश्वकपका लागि राशिद खानको कप्तानीमा १५ सदस्यीय टोलीको घोषणा गरेको छ । अफगानिस्तानले १९ वर्षीय विकेटकिपर ब्याट्सम्यान मोहम्मद इशाकलाई टोलीमा समावेश गरेको छ । इशाकले यसै वर्ष टी-२० मा डेब्यु गर्नुभएको थियो । इशाकका अलावा करिम जनत र नुर अहमदले पनि टोलीमा स्थान बनाउनुभएको छ ।
अफगानिस्तानले २० वर्षीय बायाँ हाते स्पिन अलराउन्डर नांग्याल खरोतीलाई पनि विश्वकप टोलीमा समावेश गरेको छ । तीव्रगतिको आक्रमणलाई नवीन-उल-हक, फरिद अहमद र फजलहक फारुकीले सम्हाल्नुहुनेछ । टोलीमा सादिक अटल, हजरतुल्लाह जजई र सलिम सैफी रिजर्ब खेलाडीका रूपमा रहनुभएको छ । जुन ३ मा युगाण्डाविरुद्ध खेल्दै अफगानिस्तानले विश्वकप सुरु गर्नेछ ।
यी दुई टोलीबीचको खेल गुयानामा हुनेछ । त्यसपछि टोलीले न्युजिल्याण्डसँग जुन ७ मा सोही मैदानमा खेल्नेछ । अफगानिस्तानले जुन १३ मा पपुवा न्युगिनी र जुन १७ मा आयोजक वेष्ट इण्डिजसँग खेल्नेछ । अफगानिस्तानले गत वर्ष भारतमा भएको एक दिवसीय विश्वकपमा उत्कृष्ट प्रदर्शन गरेको थियो ।
अफगानिस्तानको टोलीमा राशिद खान (कप्तान), रहमानुल्लाह गुरबाज (विकेटकिपर), इब्राहिम जद्रान, अजमतुल्लाह उमरजई, नजीबुल्लाह जद्रान, मोहम्मद इशाक, मोहम्मद नबी, गुलबदीन नायब, करिम जनत, नांगयाल खरोती, मुजीब योर रहमान, नुर अहमद, नवीन-उल-हक, फजलहक फारूकी र फरीद अहमद मलिक रहनुभएको छ । जसमा रिजर्बमा सादिक अटल, हजरतुल्लाह जजई र सलिम सैफी हुनुहुन्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच