कालीकोट । कालीकोटका प्रमुख जिल्ला अधिकारी गणेश नेपालीले उमेर नपुगि गरेको बिवाहबाट जन्मेका बालबालिकाहरू राज्यको सेवा सुविधाबाट बञ्चित हुनु परेको बताउनुभएको छ ।
प्लान इन्टरनेश्नल नेपालको आर्थिक सहयोग र सामाजिक जागरण तथा विकास प्रतिष्ठान (सादा नेपाल) को आयोजनामा शनिबार सदरमुकाम मान्ममा आयोजित एक कार्यक्रममा प्रजिअ नेपालीले यस्तो बताउनुभएको हो ।
१६ वर्षको उमेरमा बिवाह गरेका जोडिले १७ वर्ष ढिलै भए १८/१९ वर्षमा बच्चा जन्माउछन् । कानुनमा २० वर्ष पुरा गरेपछि बिवाह गर्नुपर्छ २० वर्ष पुरा गरि बिवाह गरेपछि मात्र सरकारले बिवाह दर्ता गरिदिन्छ बिवाह दर्ताको आधारमा बच्चाको जन्म दर्ता पाउछ । जन्म दर्ता भएपछि मात्र राज्यबाट पाउने सेवा सुविधा बच्चाले पाउने भएकाले उमेर नपुगि गरिने बिवाहबाट जन्मिने बालबालिकाले राज्यको सेवा सुविधाबाट बञ्चित हुनु परेको बताउनुभयो ।
उहाँले कालीकोटमा पनि बालबिवाहको भयावह अवस्था रहेका कारण कार्यक्रम लागु भएका क्षेत्रमा विभिन्न संघसंस्थाहरूको पहलमा बालबिवाह घटेको देखिन्छ । 'परियोजना लागु नभएका क्षेत्रको पनि अवस्था बारे सोच्नु पर्ने बेला सादा नेपाल जस्ता संस्थाले थप परियोजना सञ्चालन गर्नुपर्ने अबस्था देखिएको छ' प्रजिअ नेपालीले भन्नुभयो, पहिले भन्दा अहिले कालीकोटमा बालबिवाहको दर घट्दै आएको तथ्यांक सार्वजनिक हुँदै गर्दा गणकहरूलाई सहि र सत्यमा रहेर बिवरण सङ्कलन गर्न पनि निर्देशन दिनुभयो ।
अभिमुखिकरण कार्यक्रममा प्लान इन्टरनेश्नल नेपालका परियोजनाद म्यानेजर अम्बिकाप्रसाद तिमिल्सिना र सादा नेपालका परियोजना संयोजक दलसिंह कुमालले परियोजनाले गरेका कामहरूको बारेमा जानकारी र उपलब्धि सार्वजनिक गर्नुभएको थियो ।
बालबिवाह, छिटो बिवाह र जवर्जस्ति हुने बिवाह रोकथामसँगै जोखिममा रहेका बालबालिकाहरूलाई बिद्यालयमा र स्कुल बाहिरका बालबालिकालाई स्कुल सम्म पुर्याउने अपाङ्गता भएकालाई विशेष सहयोग गर्ने गरेको कक्षा नियमितताका लागि उनिहरूको अवस्था हेरेर सहयोग समेत गरेको बताइएको छ ।
कालीकोटको रास्कोट नगरपालिका, सान्नी त्रिबेणी गाउँपालिका र नरहरीनाथ गाउँपालिकाको सहयोग र साझेदारीमा स्थानीय सरकारको अगुवाईमा बालबिवाहह रोकथाम अभियानले निरन्तरता पाएकोमा सादा नेपालका कार्यकारी निर्देशक अशोकनाथ योगीले प्लान नेपाल र स्थानीय सरकारलाई धन्यबाद दिनुभयो ।
कार्यक्रममा जिल्ला प्रहरी कार्यालय कालीकोटका प्रहरी प्रमुख डिएसपी अर्जुन केसीले प्रहरी साझेदारि कार्यक्रम जिल्लाका सबै स्थानीय तहमा सञ्चालन भइरहेका छन् । बालबिवाह बिरूद्व पनि सचेतना गराउने प्रतिवद्वता जनाउनुभयो ।
कार्यक्रममा नेपाल पत्रकार महासंघ कालीकोटकका अध्यक्ष भरतराज बिष्टले बालबिवाह म आफै बाट गर्नु हुँदैन भनेर सुरूवात गरौ । बालबिवाहले गर्दा धेरैको घरबार बिग्रिने, पढाई बिग्रिने, शारीरिक रूपमा कमजोर भई जिन्दगी समेत बिग्रिने हुँदा बालबिवाह आफैबाट गर्नुहुँदैन भनेर सुरूवात गर्नुपर्ने बताउनुभयो ।
कार्यक्रममा प्लान इन्टरनेश्नल नेपालको परियोजना लागु भएका रास्कोट, सान्नीत्रिवेणी र नरहरिनाथ गाउँपालिकाका नागरिक समाज, बाल क्लब, अभियान्ता लगायतको क्षमता विकास अनुभव आदा प्रदान र पैरबीका लागि उपस्थित रहेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच