फिदिम । प्रमुख प्रतिपक्ष दल नेकपा एमालेका अध्यक्ष केपी शर्मा ओलीले सत्तारूढ नेपाली कांग्रेसका नेता बालकृष्ण खाँणलाई ‘सेटिङ’मा छोडिएको आरोप लगाउनुभएको छ । समृद्धिका लागि एमालेको मध्यपहाडी संकल्प यात्राअन्तर्गत शनिबार दिउँसो पाँचथरको फिदिममा आयोजित कार्यक्रमलाई सम्बोधन गर्दै उहाँले यस्तो आरोप लगाउनुभएको हो । कांग्रेसका खाँणलाई छोडिएको तर एमालेका नेता पूर्व-उपप्रधानमन्त्री टोपबहादुर रायमाझीलाई थुनामै राख्न आदेश दिइएको भन्दै ओलीले आपत्ति जनाउनुभयो । ‘कांग्रेसका बालकृष्ण खाँण छुटे । तर, हाम्रा केही साथीहरूलाई जेलमै राखिएको छ । टोपबहादुरजी एमालेमा लागेको रिसले उहाँलाई जेलमै राखियो । कांग्रेसको मान्छे न्यायाधीश हुन्छ अनि कहाँ हुन्छ ?’, ओलीले भन्नुभयो ।
नक्कली भुटानी शरणार्थी प्रकरणमा मुछिएका पूर्व-गृहमन्त्रीसमेत रहनुभएका खाँणलाई पाटन उच्च अदालतले बिहीबार ३० लाख धरौटीमा छाड्न आदेश दिएको थियो । तर, एमालेका सचिव टोपबहादुर रायमाझीलाई भने थुनामै राखिएको छ ।
ओलीले सरकारको असफलताका कारण मुलुकमा केही अराजक तत्वहरूले चलखेल गर्ने मौका पाएको टिप्पणीसमेत गर्नुभयो । उहाँले हाडचिण्डो मिलाएर बनाएको सरकारले काम नगर्ने उल्लेख गर्नुभयो । प्रदेशको कोशी नामकरणले असन्तुष्ट बनेका पहिचानवादीले अवरोध गर्ने आशंकबीच ओली कडा सुरक्षासाथ प्रवेश गर्नुभएको थियो । उहाँले जनतालाई अलमलाउन सक्छौँ भन्नेहरूलाई यो सभाले चुनौती दिएको बताउनुभयो । उहाँले एमालेको एकल बहुमतको आवश्यकता परेको भन्दै यो यात्रा त्यसैका लागि भएको बताउनुभयो ।
राष्ट्रियतालाई अझ सुदृढीकरण गर्न, विकासको कामलाई तीव्र बनाउन, प्रतिक्रियावादीलाइ शान्त पार्न र जनताको मनोबल माथि उठाउनलाई यो यात्रा सफल भएको उहाँको भनाइ थियो । देशभरि आत्मीय सम्मान पाएको पनि उहाँले बताउनुभयो । उहाँले असहमतिलाई वैधानिक माध्यमबाट समाधान गर्नका लागि अनुरोध गर्नुभयो । ‘दुस्मनीको बाटोले काहीँ कतै पनि पुगिँदैन । सबैको विधिसम्मत तरिका हुन्छ । यो ठाउँ शान्तिपूर्ण हुनुपर्छ’, उहाँले भन्नुभयो । आज (आइतबार) थुर्पुमा याङ्वरक गाउँपालिकाको भवन उद्घाटन गरेर चिवाभञ्ज्याङ पुगेर अभियान समापन गर्ने कार्यक्रम रहेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच