स्याङ्जा । स्याङ्जा जिल्लाको पुतलीबजार नगरपालिका वडा नं ९ कोल्मामा राष्ट्रियस्तरको क्रस कन्ट्री दौड प्रतियोगिता सम्पन्न भएको छ ।
शनिबार बिहान ९ बजे खेलाडीहरुले दौड सुरु गरेका थिए । दौडमा ५ किमी, १० किमी र २१ किलोमिटरको दौड सञ्चालन भएको थियो ।
२५ किलोमिटर पुरुष तर्फ गोपाल तामाङ त्रिभुवन आर्मी क्लब प्रथम, सञ्जय श्रेष्ठ गोरखा दोस्रो र शुसीलकुमार शाही हुम्ला तृतीय भएका छन् । पहिलो हुने तामाङले ५० हजार, दोस्रो हुने श्रेष्ठले ४० हजार र तेस्रो हुने शाहीले ३० हजार नगद प्राप्त गरे ।
१० किलोमिटर पुरुषतर्फ सनम गुरुङ तनहुँ प्रथम, तेन्जन रोका पोखरा द्वितीय र मनोज रोका पोखरा तृतीय भएका छन् । प्रथम गुरुङले २० हजार, दोस्रो तेन्जनले १५ हजार र तृतीय हुने मनोजले १० हजार पुरस्कार र मेडल प्राप्त गरेका छन् ।
५ किलोमिटर महिलातर्फ राममाया बुढा जुम्ला प्रथम, सुस्मिता कुमारी चौधरी दाङ दोस्रो र नितेश तामाङ पोखराबाट तृतीय भएका छन् । विजेता खेलाडीहरुले प्रथम बुढाले १५ हजार, दोस्रो चौधरीले १० हजार र तृतीय तामाङले ५ हजार पुरस्कार प्राप्त गरेका छन् ।
दौडपछि पुरस्कार वितरण कार्यक्रममा बोल्दै कार्यक्रमका प्रमुख अतिथि गण्डकी प्रदेश सामाजिक विकास मन्त्री शुसीला सिंखडाले कोल्मामा भएको क्रस कन्ट्री दौड हेर्दा आफूले भूमिगत हुँदाका दिनहरु सम्झेको बताउनुभयो । उहाँले युवाहरु विदेश नगई देशभित्रै विभिन्न क्षेत्रमा अवसरको खोजी गर्नका लागि लाग्नुपर्ने बताउनुभयो ।
कार्यक्रममा पुतलीबजार नगरपालिकाका प्रमुख तुलसीराम रेग्मीले सीमित साधन र स्रोतका बिचमा पनि कोल्माको पर्यटकीय तथा खेलकूदको सम्भावनालाई अगाडि बढाउन आफूले प्रयास गरिरहेको बताउनुभयो ।
कार्यक्रममा पूर्व मन्त्री मेखलाल श्रेष्ठले आफू मन्त्री नभए पनि यो क्षेत्रको विकासका लागि सधैं तत्पर रहेको बताउँदै खेलाडीहरुलाई उत्साहित भएर अगाडी बढ्न आग्रह गर्नुभयो ।
कार्यक्रममा गण्डकी प्रदेशका पूर्व सांसद मीनप्रसाद गुरुङ, वडाध्यक्ष, कलाकार तथा खेलाडीहरुको उल्लेख्य सहभागिता रहेको स्थानीय संयोजक जीतबहादुर गुरुङले बताउनुभयो ।
विविध सांस्कृतिक कार्यक्रमका साथ सम्पन्न भएको कार्यक्रममा झोडा, घाटु लगायत कलाकार घनश्याम रिजाल, माया गुरुङ लगायतले गीत तथा नृत्य प्रस्तुत गरेका थिए ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच