गुल्मी । गुल्मीको सदरमुकाम तम्घासमा खाद्य व्यवस्था तथा व्यापार कम्पनी लिमिटेडको शाखा कार्यालय स्थापना भएको छ । नेपाल सरकारको पूर्ण स्वामित्व भएको यस कम्पनीको तम्घासमा शाखा कार्यालय गत मंसिर महिनादेखि सञ्चालनमा आएको छ ।
मुल्य अनुसारको गुणस्तरीय खाद्यान्न उपयोगको सुनिश्चिततासँगै यहाँ शाखा कार्यालय स्थापना गर्नका लागि सम्झौता गर्न रेसुङ्गा नगरपालिकाका नगरप्रमुख खिलध्वज पन्थी गत असार ३१ गते खाद्य व्यवस्था तथा व्यापार कम्पनीको प्रधान कार्यालयमा पुग्नुभएको थियो ।
नेपाल सरकारको साबिक खाद्य संस्थानको यहाँ रहेको शाखा कार्यालय बन्द भएको २० वर्षपछि खाद्य व्यवस्था तथा व्यापार कम्पनीको शाखा स्थापना भएको हो । त्यतिबेला संस्थानको खर्च घटाउने र यस जिल्लामा यातायातको सहजता भएको हुँदा खाद्य संस्थान बन्द भएको थियो ।
अहिले सरकारी सेवा गाउँ–गाउँमा पु¥याउने उद्देश्यका साथ सरकारको चालू आर्थिक वर्ष २०८०÷०८१ बजेटको बुँदा नम्बर– ८८ मा रैथानेमा गर्व गरौँ भनिएकोले त्यसै अनुसार खाद्य व्यवस्था तथा व्यापार कम्पनीको स्थापना भएको बताइएको छ ।
आम जनतालाई सहज र सुलभ तरिकाले खाद्य सामग्रीको आपूर्ति गर्नुका साथै जिल्लामा उत्पादित रैथाने बाली लगायतका कृषिजन्य बस्तुको बजारीकरणको सुनिश्चितताका लागि खाद्य व्यवस्था तथा व्यापार कम्पनीसँग सम्झौता गरिएको नगरप्रमुख पन्थीले बताउनुभयो ।
शाखा कार्यालयको स्थापनासँगै खाद्य सुरक्षाको सुनिश्चतामा योगदान दिने, खाद्यान्नको अभावमा जीवन जोखिमको न्यूनिकरण गर्ने र महामारी तथा प्रकोपमा खाद्यान्न अभाव हुने नदिने उदेश्यले जिल्लाका विभिन्न स्थानमा खाद्य खरिद तथा बिक्री केन्द्र स्थापना गरिएको खाद्य व्यवस्था तथा व्यापार कम्पनी लिमिटेड गुल्मीका प्रमुख पुष्पा पाण्डेयले बताउनुभयो ।
हालसम्म रुरुक्षेत्र गाउँपालिकाको बलेटक्सार, मदाने गाउँपालिकाको बाँझकटेरी र मालिका गाउँपालिकाको अर्खाबाङ्ग खाद्य व्यवस्था तथा व्यापार कम्पनी लिमिटेडको खरिद तथा बिक्री केन्द्र स्थापना भएको छ ।
त्यस्तै, रेसुङ्गा नगरपालिकाको हाटबजारमा खाद्य व्यवस्था तथा व्यापार कम्पनी लिमिटेडको खरिद तथा बिक्री केन्द्र स्थापना गर्नका लागि तयारी भइरहेको छ भने छत्रकोट गाउँपालिकाको दौँघामा स्थापनाका लागि स्थानीय तहसँग समन्वय भइरहेको बताइएको छ ।
विशाल ग्रुपका अनेक बदमासी, अनुसन्धानको
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच