सर्लाही । सर्लाहीको ईश्वरपुर नगरपालिकामा रहेका १५ वटा वडा ३८ वटै सामुदायिक विद्यालयका विद्यार्थीको निःशुल्क आँखा परीक्षण हुने भएको छ ।
भरतपुर आँखा अस्पताल, नेपाल नेत्रज्योति संघ भरतपुर र आँखा उपचार केन्द्र ईश्वरपुरको संयुक्त आयोजनामा आगामी माघ मध्यबाट विद्यार्थीको आँखाको उपचार गरिनेभएको छ । त्यसका लागि आज ३८ वटै विद्यालयका शिक्षकलाई प्रशिक्षण दिएर पठाइएको छ । ती शिक्षकले अब विद्यालयमा गएर विद्यार्थीको आँखाको प्राथमिक परीक्षण गर्ने र समस्या देखिएका बिरामीलाई शिविरमा ल्याएर औषधि उपचार गर्ने निर्णय गरिएको छ ।
माघ १४ गतेदेखि २९ गतेसम्म क्रमशः वडा नं. १ देखि १३ सम्मका विद्यालयक विद्यार्थी तथा फागुन ३ गते वडा नं. १४ र फागुन १५ गते वडा नं. १५ का विद्यार्थीका लागि बयलवास ल्याएर आँखा परीक्षण, उपचार र निःशुल्क औषधि वितरण गर्ने मिति तय गरिएको हो ।
आजको छलफलमा ईश्वरपुरका नगरप्रमुख मनोजकुमार आचार्य, नेपाल नेत्रज्योति संघ भरतपुरका रमेश घिमिरे, विष्णु हरि मैनाली, शिक्षा शाखाका प्रमुख हरि दाहाल, स्वास्थ्य शाखाका प्रमुख सुगेन्द्र महतोलगायत सहभागी हुनुभएको आँखा उपचार केन्द्रका उपाध्यक्ष प्रकाश मैनालीले जानकारी दिनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच