नवलपरासी । लुम्बिनी प्रदेशका मुख्यमन्त्री डिल्लीबहादुर चौधरीले प्राविधिक जनशक्ति उत्पादन गर्नुपर्ने बताउनु भयो । अहिले नेपालमा प्राविधिक युक्त दक्ष जनशक्तिको अभाव रहेको बताउँदै उहाँले प्राबिधिक जनशक्ति उत्पादन गर्न जोड दिनु पर्ने बताउनु भएको छ ।
बर्दघाटमा रहेको राजा महात्मा पुर्णभद्र माविको स्वर्ण महोत्सवको समापन समारोहमा सम्बोधन गर्दै मुख्यमन्त्री चौधरीले देश निर्माणमा शैक्षिक जनशक्तिको महत्वपूर्ण भूमिका हुने उल्लेख गर्दै प्राविधिक शिक्षा आजको आवश्यकता भएको बताउनु भयो ।
शनिबार विद्यार्थीको शिक्षाले नै देशको भोलिको भविष्य निर्क्यौल गर्ने भन्दै उहाँले सीपमुलक ब्यवहारिक शिक्षा पद्धति अंगाल्नु परेमा जोड दिनुभयो । प्राविधिक शिक्षा मार्फत रोजगारी वृद्धि गर्ने उद्धेश्यसहित प्रदेश अघि बढिरहेको उहाँले जानकारी दिनुभयो ।
फरक प्रसङ्गमा बोल्दै मुख्यमन्त्री चौधरीले अबको प्रतिस्पर्धा राजनीतिमा नभै विकासमा हुनु पर्ने धारणा ब्यक्त गर्नु भयो । 'अब सातवटै प्रदेशका मुख्यमन्त्री बिच कस्ले बढी विकास गर्छ, को पहिला जनताको आगनमा पुग्न सक्छ भन्ने प्रतिष्पर्धा रहनु पर्छ। 'उहाँले भन्नुभयो, 'देशमै युवालाई महिनाको ३०/४० हजार कमाउने कसरी बनाउन सकिन्छ युवालाई देशमै रोजगारी कसरी सिर्जना गर्न सकिन्छ भन्ने चिन्तनका साथ दुईलाख जनशक्तिलाई रोजगारी दिने योजना अनुरुप काम अघि बढेको छ ।' 'प्राविधिक शिक्षालाई जोड दिनुस योजना ल्याउनुस प्रदेश सरकारले के गर्नु पर्छ हामी प्रतिबद्ध छौँ' उहाँले भन्नूभयो । मुख्यमन्त्री चौधरीले तल्लो तहमा बिकास नभै पुर्ण रुपमा देश बिकसित हुन नसक्ने भन ग्रामिण स्तरमा बिकासको गति बढाउनु पर्नेमा जोड दिनु भयो ।
मुख्यमन्त्री चौधरीले जनतामा संघीयताको मर्म नभुझ्दा निरासा छाएको उल्लेख गर्दै संविधानलाई पुर्ण कार्यान्वन गरी आवस्यक नीति निर्माणमा जोड दिनु पर्ने बताउनु भयो ।
स्वर्ण महोत्सवको सातौा दिन आज स्वर्ण महोत्सव आयोजनामा गठन गरिएको मुल आयोजक समिति, विभिन्न उपसमिति विद्यार्थीलाई सम्मान गर्दै प्रदेश सभा सदस्य बिश्वप्रेम पाठक, बर्दघाट नगर प्रमुख शम्भुलाल श्रेष्ठ, स्वर्ण महोत्सव मुल समारोह समितीका सयोजक बिक्रम खनाल र बिद्यालय ब्यवस्थापन समितिका अध्यक्ष चन्द्रकान्त चापागाईंले टीका, कदर पत्र र खादाले प्रशंसा पत्र प्रदान गर्नु भएको छ ।
स्वर्ण महोत्सव मुल आयोजक समितिका सयोजक बिक्रम खनालले सबैले साथ र सहयोगले कार्यक्रमको गरिमा बढाएको बताउनु भयो । स्वर्ण जयन्तीको अवसरमा राखिएका हरेक कार्यक्रमहरुमा स्थानीय अभिभावक र विद्यार्थीहरुको उल्लेखनीय सहभागी रहेको बताउनु भयो ।
विद्यालय ब्यवस्थापन समितिका अध्यक्ष चन्द्रकान्त चापागाईंले भौतिक सरचना बनेर सकिएको बताउँदै अब शैक्षिक सुधारमा लाग्ने बताउनु भयो । स्वर्ण महोत्सव सकिएपछि विद्यालयको गुणस्तर सुधारमा लाग्ने चापागाईंको भनाइ छ ।
कार्यक्रममा राष्ट्रिय कलाकारहरु पुस्कल शर्मा र शर्मिला अर्यालले र बिद्यालयका छात्र छात्राले गित संगीतको प्रस्तुति रहेको थियो । पौष १५ गते देखी एक हप्तासम्म विभिन्न कार्यक्रम गर्दै शनिबार २१ गते समापन गरिएको छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच