काठमाडौं । मध्यपुर ठिमीमा जारी २६औँ भारोत्तोलन राष्ट्रिय च्याम्पियनसिपमा बुधबार पुरुष ६७ केजीतर्फ राजु चौधरीले स्वर्ण जित्नुभएको छ । यस विधामा नेपाली सेनाकै मुक्तिराम घलेले रजत जित्नुभयो । त्यस्तै, जुनियर ६७ केजी पुरुषतर्फ कास्कीका रोशन चुनवाङले स्वर्ण र ललितपुरका मोहित शाक्यले रजत जित्नुभएको छ ।
त्यस्तै, युथ पुरुष ६७ केजीतर्फ सप्तरकी अनुराग सिंह पहिलो र कञ्चनपुरका दिपेश घटाल दोस्रो हुनुभयो । ७३ केजीतर्फ सिनियर पुरुषमा नेपाल प्रहरीका प्रकाश केसी पहिलो र कञ्चनपुरका अशोकसिंह भण्डारी दोस्रो हुनुभयो । ७३ केजी जुनियर पुरुषतर्फ कञ्चनपुरका हेमन्त पाल पहिलो र इलामका पुस्कर राई दोस्रो हुनुभयो । ७३ केजी युथतर्फ सप्तरीका हेमनारायण यादव स्वर्ण जित्न सफल हुनुभयो ।
यसअघि महिला ४९ केजीतर्फ नेपाल प्रहरीकी कृष्णकला विष्टले नयाँ राष्ट्रिय कीर्तिमान बनाउनुभएको थियो । उहाँले स्न्याचतर्फ ५९ र क्लिन एण्ड जर्कतर्फ ७७ किलो उचाल्दै नयाँ राष्ट्रिय कीर्तिमानसहित स्वर्ण जित्नुभयो । यही विधामा नेपाली सेनाकी सिर्जना तामाङले रजत जित्नुभयो । त्यस्तै, ५५ केजी पुरुष सिनियरतर्फ नेपाल प्रहरीका दिलीप यादवले स्न्याचतर्फ ८२ र क्लिन एण्ड जर्कतर्फ १०३ किलो भार वहन गर्दै नयाँ राष्ट्रिय कीर्तिमानसहित स्वर्ण जित्नुभयो । यही विधामा नेपाली सेनाका दीपकबहादुर भण्डारी दोस्रो भयो ।
पुरुष ६१ केजीतर्फ नेपाली सेनाका तुलाराम महतोले स्वर्ण र एपिएफका पारस देसारले रजत जित्नुभयो । महिला ४५ केजी सिनियरतर्फ नेपाल प्रहरीकी हिरामोति थारू पहिलो र एपिएफकी लीला राई दोस्रो हुनुभयो । ५५ केजी महिला सिनियरतर्फ नेपाली सेनाकी प्रभा थारू पहिलो र ललितपुरकी सप्रिना श्रेष्ठ दोस्रो हुनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच